Արցախում նախնական կալանքի տակ գտնվողներն ազատ են արձակվել

Լուրեր

22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
Բոլորը

Արցախից քաղաքացիների բռնի տեղահանման վերջին օրերին նախնական կալանքի տակ գտնվող բոլոր անձինք ազատ են արձակվել։ Այս մասին հայտնում են Factor.am-ի աղբյուրները։

Նույն աղբուրների փոխանցմամբ՝ ազատ են արձակել նաև ԱՀ պետական նախարարի աշխատակազմի տեղեկատվության և հասարակայնության հետ կապերի բաժնի նախկին վարիչ Սամվել Բալայանին, որը մեղադրվում էր պետական դավաճանության հոդվածով, նույն հոդվածով անցնող, Արցախի նախագահի աշխատակազմի ռուսաց լեզվի բաժնի վարիչ, Արցախի Հանրային Ռադիոյի հաղորդավար Սեյրան Կարապետյանին, ինչպես նաև Արման Իսրայելյանին, որին մեղադրում էին լրտեսության միջոցով պետական դավաճանության մեջ։ Վերը նշված անձինք, հիշեցնենք, իրենց առաջադրված մեղադրանքը չեն ընդունել։

Այս անձանց վերաբերյալ գործերը, սակայն, չեն կարճվել, իսկ թե ինչ ընթացք են ստանալու, դեռևս պարզ չէ։ Հայտնի է, որ Արման Իսրայելյանի և Սամվել Բալայանի խափանման միջոցը դատարանների որոշումներով փոխվել է ազատազրկման հետ չկապված խափանման միջոցով՝ սեպտեմբերի 25-26-ն ընկած ժամանակահատվածում, իսկ Սեյրան Կարապետյանին ազատ են արձակել ավելի ուշ, ամենայն հավանականությամբ՝ սեպտեմբերի 28-ին, սակայն դատարանի որոշմամբ, թե՞ առանց դրա, մեզ հայտնի չէ։

Սամվել Բալայանի պաշտպան Ռաֆայել Մարտիրոսյանը Factor.am-ի հետ զրույցում ասաց, որ իր պաշտպանյալի նկատմամբ խափանման միջոց է ընտրվել ստորագրությունը չհեռանալու մասին, նա այժմ Հայաստանում է։

Նշենք, որ մինչև 2020 թվականը Արցախում միայն մեկ բանտ կար՝ Շուշիում։ Այն բանից հետո, երբ Շուշին անցավ Ադրբեջանի վերահսկողության տակ, Շուշիի բանտում գտնվող անձինք տեղափոխվեցին ՀՀ քրեակատարողական հիմնարկներ։ 2020-ից հետո էլ Արցախից անազատության մեջ գտնվող որոշ անձինք պահվել են ՀՀ քրեակատարողական հիմնարկներում, սակայն Արցախից բռնի տեղահանվածների մեջ անազատության մեջ գտնվող անձինք չկան։

ՀՀ արդարադատության նախարարի մամուլի խոսնակ Մարիամ Մելքումյանից հետաքրքրվեցին՝ արդյո՞ք սեպտեմբերին կալանավորներ կամ դատապարտյալներ Արցախից տեղափոխվել են Հայաստան։

«Լեռնային Ղարաբաղից 2023 թվական-ի սեպտեմբերին ՀՀ Արդարադատության նախարարության քրեակատարողական ծառայության համապատասխան հիմնարկներ կալանավորված կամ դատապարտված անձիք չեն տեղափոխվել»,- ասաց Մելքումյանը։

Արաքս Մամուլյան