24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Ըստ Շոյգուի՝ ռուս խաղաղապահների «անձնուրաց գործողություններն օգնել են խուսափել Ղարաբաղում ավելի շատ զոհերից»
Քաղաքականություն
03.10.2023 | 14:44
Ռուս խաղաղապահների «անձնուրաց և պրոֆեսիոնալ գործողություններն» օգնեցին խուսափել ավելի շատ զոհերից Լեռնային Ղարաբաղում հակամարտության սրման ժամանակ։ Այս մասին հայտարարել է ՌԴ պաշտպանության նախարար Սերգեյ Շոյգուն, փոխանցում է ՏԱՍՍ-ը։
«Շնորհակալ եմ մեր տղաներին՝ ռուս խաղաղապահներին, իրենց անձնուրաց և պրոֆեսիոնալ գործողությունների համար, որոնք օգնեցին խուսափել ավելի շատ զոհերից։ Խաղաղապահները համակողմանի բուժօգնություն են ցուցաբերել վիրավորներին և կարիքավորներին»,- ասել է նա ՌԴ զինված ուժերի ղեկավարության հետ խորհրդակցությանը։
Ըստ Շոյգուի՝ ռուսական խաղաղապահ զորակազմի օգնությամբ տեղակայվել է մոդուլային քաղաք՝ ժամանակակից սարքավորումներով, հանդերձարան՝ վիրաբուժական օգնության հնարավորությամբ, օպերացիոն մոդուլ՝ վերակենդանացման բաժանմունքով։ Նա նաև նշել է, թե ռուսական խաղաղապահ զորակազմի միջնորդությամբ Լեռնային Ղարաբաղից «Հայաստանի տարածք է տարհանվել Լեռնային Ղարաբաղի ավելի քան 98 հազար խաղաղ բնակիչ, այդ թվում՝ 32 հազար երեխա»։
Հավելենք, որ Արցախում Ադրբեջանի էթնիկ զտումների հետևանքով 100 հազարից ավելի հայ բռնի տեղահանվել է Հայաստան։
Էմմա Չոբանյան
