Քաղաքականություն
03.10.2023 | 10:05
ՀՀ հատուկ հանձնարարություններով դեսպան Էդմոն Մարուքյանը X-ում արված գրառմամբ անդրադարձել է Լեռնային Ղարաբաղ ՄԱԿ-ի առաքելության այցից հետո արված հայտարարությանը։
«Լեռնային Ղարաբաղում, այսպես կոչված, ՄԱԿ-ի առաքելությունն ամեն ինչ արեց՝ օրինականացնելու Ադրբեջանի կողմից իրականացված էթնիկ զտումները, կամայական ձերբակալությունները, քաղաքացիական ենթակառուցվածքների ոչնչացումը և այլ հանցագործություններ։ Այս տղաները վարկաբեկում են ՄԱԿ-ը որպես ինստիտուտ։ Ես անհամբեր սպասում եմ այդ «ներկայացուցիչների» գործունեության վերաբերյալ ՄԱԿ-ի հետաքննությանը»,- գրել է Մարուքյանը։
Հիշեցնենք, որ ՄԱԿ-ի առաքելության հայտարարության մեջ, մասնավորապես, ասված էր, որ ԼՂ-ում հիվանդանոցներին, դպրոցներին հասցված որևէ վնաս չեն արձանագրել, սակայն «ապշած են այն հանկարծակիությունից, որով տեղի բնակչությունը լքել է իրենց տները»։
