06.08.2026 | 08:32
ԱԳՆ-ն 1 մլն դոլար կծախսի ՀՀ Անկախության օրվա առթիվ
ԵՊՀ-ն իր ուսումնաարտադրական բազաները որպես կեցավայր է տրամադրել Արցախից բռնի տեղահանվածներին
02.10.2023 | 19:13
ԵՊՀ ռեկտոր Հովհաննես Հովհաննիսյանը ֆեյսբուքյան իր էջում գրառում է կատարել՝ տեղեկացնելով, որ ԵՊՀ-ն, համագործակցելով պետական գերատեսչությունների հետ, իր ուսումնաարտադրական բազաները՝ որպես կեցավայր, տրամադրել է Արցախից բռնի տեղահանված մեր հայրենակիցներին։
«Այսօրվա դրությամբ Բյուրականի ուսումնաարտադրական բազայում տեղավորվել է 150, Ծաղկաձորի ուսումնաարտադրական բազայում՝ 200 անձ։ Կեցավայրերում մեր հայրենակիցներն ապահովված են սնունդով, բացի դրանից՝ նրանց համար ստեղծված են սանիտարակենցաղային անհրաժեշտ բոլոր հարմարությունները, գործում է ինտերնետ կապ։
ԵՊՀ ռեսուրսներով արցախցիներին տրամադրվում է նաև հոգեբանական աջակցություն, պարբերաբար իրականացվում է բժշկական զննություն, անհրաժեշտության դեպքում էլ մատուցվում են համապատասխան ծառայություններ»,- ասված է գրառման մեջ։
