18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ալիևը խոսել է «Հարավային Կովկասում խաղաղության դարաշրջան թևակոխելու մասին»
02.10.2023 | 13:42
Արցախի դեմ ագրեսիա սանձազերծած և էթնիկ զտում իրականացրած Ադրբեջանի նախագահ Իլհամ Ալիևն այսօր հայտարարել է, թե «Հարավային Կովկասում կարող է խաղաղության դարաշրջան սկսվել»։
«Այսօր մենք կարող ենք թևակոխել Հարավային Կովկասում խաղաղության դարաշրջան։ Սա մեր կարծիքն է։ Համագործակցություն, փոխշահավետ նախագծեր, փոխշահավետ օգուտ՝ մենք այսօր ցույց ենք տալիս այս ամենը»,- ասել է Ալիևը՝ Բաքվում ելույթ ունենալով Միջազգային տիեզերագնացության 74-րդ կոնգրեսի բացման արարողությանը։
Միաժամանակ, նա ևս մեկ անգամ փորձել է արդարացնել սեփական ագրեսիան Արցախի դեմ։
«28 տարվա ընթացքում մենք ցույց ենք տվել մեր ամուր հավատարմությունը բանակցային գործընթացին, սակայն երեք տարի առաջ իրացրել ենք մեր ինքնապաշտպանության իրավունքը՝ ՄԱԿ-ի կանոնադրության համաձայն։ Երեք տարի առաջ մենք ազատագրեցինք մեր տարածքները օկուպացիայից։ Անցյալ ամիս մենք ամբողջությամբ վերականգնեցինք մեր ինքնիշխանությունը ողջ երկրում։ Մենք վերջ ենք դրել հակամարտությանը»,- հայտարարել է Ադրբեջանի նախագահը։
Էմմա Չոբանյան
