17.12.2025 | 10:42
Համաձայնագիրը խաղաղության հիմքն է, եթե կա բարի կամք և փոխադարձ հարգանք. իսպանացի պատգամավորը՝ Երևան-Բաքու երկխոսության մասին
Պուտինը «Վագների» նախկին հրամանատարին հրավիրել է կամավորական ստորաբաժանումներ ստեղծելու
Քաղաքականություն
29.09.2023 | 12:45
ՌԴ նախագահ Վլադիմիր Պուտինը հանդիպել է պաշտպանության փոխնախարար Յունուս-Բեկ Եվկուրովի և «Վագներ» ռազմականացված խմբավորման նախկին հրամանատար Անդրեյ Տրոշևի հետ, գրում է BBC-ի ռուսական ծառայությունը։
«Վերջին հանդիպման ժամանակ մենք խոսեցինք այն մասին, որ դուք ներգրավվելու եք կամավորական ստորաբաժանումների ձևավորման մեջ, որոնք կարող են կատարել տարբեր մարտական առաջադրանքներ առաջին հերթին, իհարկե, հատուկ ռազմական գործողության գոտում։ Դուք ինքներդ կռվել եք նման ստորաբաժանումներում մեկ տարուց ավելի»,- դիմելով Տրոշևին՝ ասել է Պուտինը։
Կրեմլի խոսնակ Դմիտրի Պեսկովը լրատվական գործակալություններին ասել է, որ «Վագներ»-ի նախկին հրամանատարն արդեն աշխատում է ՌԴ պաշտպանության նախարարությունում։
