18.12.2025 | 16:35
Կրեմլը՝ Թուրքիայի կողմից ռուսական C-400-ները վերադարձնելու մասին
Մեր գերնպատակը ԼՂ հայերին կացարանով ապահովելն է. Նազելի Բաղդասարյան․ ՏԵՍԱՆՅՈՒԹ
Հասարակություն
27.09.2023 | 12:18
Արցախից բռնի տեղահանված անձինք Կոռնիձորի կայանը հատելուց հետո հաշվառում են ստանում Գորիսի կամ Վայքի հատուկ հաշվառման կենտրոններում, որից հետո տեղի է ունենում տեղաբաշխում: 42 500 բռնի տեղահանվածներից Հայաստանի սահմանը հատելուց հետո արդեն հաշվառվել են 22 800-ը։ Այս մասին այսօր ասուլիսի ժամանակ հայտնեց վարչապետի մամուլի քարտուղար Նազելի Բաղդասարյանը՝ ներկայացնելով հումանիտար կենտրոնի աշխատանքների ընթացքը:
Նրա խոսքով՝ 42500 բռնի տեղահանվածներից շուրջ 4002 անձ օգտվել է պետության տրամադրած կացարաններից՝ ասաց Նազելի Բաղդասարյանը՝ ընդգծելով, որ սա առաջնային օգնություն է, որովհետև գերնպատակ է ԼՂ մեր հայրենակիցներին ապահովել որոշակի կացարանով, այնուհետև կտրամադրվեն այլ բնակության վայրեր:
Բաղդասարյանը ներկայացրեց նաև 42500 բռնի տեղահանվածների մասով պետության տրամադրած կացարաններից օգտված քաղաքացիների տեղաբաշխվածությունը՝ ըստ մարզերի. Սյունիքում՝ 14065, Վայոց ձորում՝ 810, Գեղարքունիքում՝ 976, Տավուշում՝ 298, Արմավիրում՝ 200, Արագածոտնում՝ 30, Շիրակում՝ 203 և Կոտայքում՝ 20:
«Մնացած քաղաքացիները ցանկացել են, որ իրենց բնակության ու կեցության հարցերը ինքնուրույն կազմակերպեն, բայց դա չի նշանակում, որ պետությունը հետագա հոգածությունից հրաժարվում է»,- նշեց վարչապետի մամուլի քարտուղարը:
Մանրամասները՝ տեսանյութում։
