30.05.2026 | 19:53
«Յունիսպորտը»` ֆուտզալի Հայաստանի չեմպիոն. ՏԵՍԱՆՅՈՒԹ
Արցախում իրավիճակը քննարկելու համար Սամանթա Փաուերն առաջիկայում կայցելի Բաքու
Քաղաքականություն
26.09.2023 | 15:51
ԱՄՆ Միջազգային զարգացման գործակալության (USAID) ղեկավար Սամանթա Փաուերը կայցելի Ադրբեջան։ Ադրբեջանական լրատվամիջոցները հայտնում են, որ առաջիկա օրերին Փաուերն այցելելու է Բաքու՝ քննարկելու Արցախում ստեղծված իրավիճակը։
Նշենք, որ Փաուերի գլխավորած պատվիրակությունը նախօրեից Հայաստանում է։ Պատվիրակության կազմում է նաև ԱՄՆ պետքարտուղարի Եվրոպայի և Եվրասիայի հարցերով տեղակալի պաշտոնակատար Յուրի Քիմը։
Փաուերը Երևանում հանդիպել է ՀՀ վարչապետ Նիկոլ Փաշինյանին, հանդես եկել մամուլի ասուլիսով, իսկ այսօր արդեն Սյունիքում է՝ դիտարկելու Արցախից հայերի բռնի տեղահանումը։
Էմմա Չոբանյան
