06.08.2026 | 13:14
Դատող կողմի համար տապալված դատավարություն է․ Դավիթ Իշխանյանի ուղերձը Բաքվի բանտից․ ՏԵՍԱՆՅՈՒԹ
ՃՏՊ Կապան-Քաջարան ավտոճանապարհին. կա տուժած․ ԼՈՒՍԱՆԿԱՐՆԵՐ
21.09.2023 | 17:30
Սեպտեմբերի 21-ին, ժամը 12։18-ին Սյունիքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Կապան-Քաջարան ավտոճանապարհին՝ «Գենադի աղբյուր» կոչվող տարածքի մոտակայքում, տեղի է ունեցել ՃՏՊ, կա տուժած․ տեղեկացնում են ՆԳՆ փրկարար ծառայությունից։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Կապան-Քաջարան ավտոճանապարհին բախվել են «ԿամԱԶ» մակնիշի բեռնատար (վարորդ՝ Մ. Խ.) և «Dong Fang» մակնիշի կցորդիչով բեռնատար (վարորդ՝ Ա. Փ., ԻԻՀ քաղաքացի) ավտոմեքենաները, ինչի հետևանքով վերջինս կողաշրջվել է և երկկողմանի փակել ճանապարհը:
Մինչ փրկարարների կանչի վայր հասնելը՝ Ա. Փ.-ն հոսպիտալացվել է ԲԿ, որտեղ բժիշկները նրա առողջական վիճակը գնահատել են բավարար:
Փրկարարները քարշակման եղանակով կցորդիչով բեռնատարը դուրս են բերել երթևեկելի հատվածից. ավտոճանապարհը դարձել է երկկողմանի երթևեկելի:
Բեռնատարն ուղղելու համար անհրաժեշտ է հատուկ տեխնիկա:
