20.06.2026 | 14:18
Փրկարարները հեռացրել են երթևեկելի հատվածի քարերը․ ճանապարհը դարձել է երկկողմանի երթևեկելի
Բաքուն խաղաղության համաձայնագրի նախագիծ է հանձնել Երևանին. Ալիևի ներկայացուցիչ
Քաղաքականություն
21.09.2023 | 15:08
Եվլախում բանակցությունները կարող են հանգեցնել Բաքվի և Երևանի միջև խաղաղության պայմանագրի կնքման, պայմանագրի նախագիծն արդեն փոխանցվել է Հայաստանին։ Այս մասին ասել է Ադրբեջանի նախագահի հատուկ հանձնարարությունների գծով ներկայացուցիչ Էլչին Ամիրբեկովը, գրում է ՌԻԱ Նովոստին։
«Հանդիպմանը քննարկվել են Ղարաբաղի հայերի վերաինտեգրման ձևաչափերը… Կարծում ենք, որ այս երկխոսությունը կարող է դրական ազդեցություն ունենալ Հայաստանի և Ադրբեջանի միջև խաղաղ գործընթացի վրա։ Երկու երկրները սկսել են քննարկել խաղաղության պայմանագիրը, որը կարող է վերջ դնել տասնամյակների ճգնաժամին և թշնամությանը»,- ասել է Ամիրբեկովը Sky News-ի եթերում:
Նրա խոսքով՝ երկրների միջև խաղաղության պայմանագիրը կպարունակի հինգ կետ՝ հիմնված միջազգային իրավունքի վրա, մասնավորապես, երկու երկրները պարտավոր կլինեն չմիջամտել միմյանց գործերին։
«Մենք խաղաղության համաձայնագրի նախագիծը հանձնել ենք հայկական կողմին, սպասում ենք նրանց արձագանքին»,- ասել է Ամիրբեկովը։
Ըստ Ալիևի ներկայացուցչի՝ արցախահայերի հետ առանձին պայմանավորվածություն չի պահանջվում։
Ավելի վաղ հայտնել էինք, որ Արցախի պատվիրակությունը լքել է Ադրբեջանի Եվլախ քաղաքը, որտեղ բանակցություններ են տեղի ունեցել ադրբեջանական պատվիրակության հետ։ Բանակցությունների ընթացքում քննարկվել են Արցախում բնակվող հայերի «վերաինտեգրման» հարցեր։
