06.04.2026 | 23:30
Հրդեհ Թաիրով բնակավայրում. այրվել է ավտոմեքենա
Միրզոյանը հանդիպում է ունեցել Լիտվայի իր պաշտոնակցի հետ
Քաղաքականություն
21.09.2023 | 13:33
Սեպտեմբերի 20-ին Նյու Յորքում ՄԱԿ ԳԱ 78-րդ նստաշրջանի շրջանակներում ՀՀ ԱԳ նախարար Արարատ Միրզոյանը հանդիպում է ունեցել Լիտվայի ԱԳ նախարար Գաբրիելիուս Լանդսբերգիսի հետ․ տեղեկացնում են ՀՀ ԱԳՆ-ից։
ՀՀ արտաքին քաղաքական գերատեսչության ղեկավարն իր լիտվացի գործընկերոջն է ներկայացրել Լեռնային Ղարաբաղում ժողովրդի դեմ Ադրբեջանի կողմից իրականացվող էթնիկ զտումների վտանգը` շեշտելով Ադրբեջանի ռազմատենչ և ագրեսիվ գործելաոճը ոչ միայն վտանգի տակ է դնում ԼՂ 120 հազար բնակչության՝ սեփական հայրենիքում ապրելու իրավունքը, այլև խաթարում է տարածաշրջանում կայունության հաստատման ջանքերին:
Արարատ Միրզոյանը նաև շեշտել է միջազգային հանրության և մասնավորապես ԵՄ ու իր անդամ պետությունների կողմից հստակ քայլեր իրականացնելու կարևորությունը` ժողովրդավարական արժեքներ կրող, մարդու իրավունքների պաշտպանությունը գերակայություն համարող աշխարհի կողմից հստակ ուղերձ հղելու և Ադրբեջանին զսպելու նպատակով:
