06.08.2026 | 19:10
Կոտրվածքներ և առողջական ծանր վիճակ. Բաքվի բանտից հայ գերիներն ահազանգում են․ ՏԵՍԱՆՅՈՒԹ
Պեսկովը հայտարարել է, որ Մոսկվան աշխատում է Բաքվի և Երևանի հետ՝ Լաչինի միջանցքի շուրջ իրավիճակի կարգավորման համար
Քաղաքականություն
15.09.2023 | 14:39
Ռուսաստանը հայկական և ադրբեջանական կողմերի հետ Լաչինի միջանցքի շուրջ ստեղծված իրավիճակի կարգավորման տարբերակներ է քննարկում։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, փոխանցում է ՏԱՍՍ-ը։
«Ռուսական կողմը հետևողականորեն շարունակում է իր աշխատանքը և՛ Բաքվի, և՛ Երևանի հետ։ Մենք կշարունակենք հետագայում էլ դա անել։ Վերջերս Ղարաբաղ է հասել առաջին հումանիտար օգնության խմբաքանակը, որը, ի դեպ, կազմակերպվել էր ռուսական կողմի ջանքերով։ Մենք կշարունակենք այդ աշխատանքը։ Հիմա տարբերակներ են քննարկվում, մշակվում կողմերի հետ»,- ասել է Պեսկովը՝ արձագանքելով ԼՂ-ում հումանիտար իրավիճակի հետ կապված ԱՄՆ Պետքարտուղարության՝ Լաչինը միջանցքն անհապաղ բացելու հայտարարության մասին հարցին։
Էմմա Չոբանյան
