15.10.2026 | 22:19
Գուտերեշին է ներկայացվել Հայաստանի ազգային տաղավարը COP17-ի Կապույտ գոտում
Ինչու չներեցին Հովիկ Աբրահամյանին. Նիկոլ Փաշինյանն ունի իր վերլուծությունը
Քաղաքականություն
06.07.2017 | 16:29
Ազգային Ժողովում 2016 թվականի պետական բյուջեի կատարողականի հաշվետվության քննարկման ժամանակ «Ելք» խմբակցության ղեկավար Նիկոլ Փաշինյանը ելույթ ունեցավ՝ նշելով, որ 2016 թվականը հիշարժան էր նրանով, որ տեղի ունեցավ կառավարության փոփոխություն:
Նիկոլ Փաշինյանը կարևոր համարեց վերլուծությունը, թե որն էր Հովիկ Աբրահամյանի հեռացման պատճառը: Նրա խոսքով՝ կարելի էր ասել, որ 2016 թվականի տնտեսական ցուցանիշները ցածր են եղել, բայց մի քանի անգամ ավել վատ տնտեսական ցուցանիշների պայմաններում վարչապետերը շարունակել են պաշտոնավարել: «Ուզում եմ հասկանալ՝ ի՞նչն է որ չներվեց Հովիկ Աբրահամյանին: Եթե կառավարման արդյունավետության տեսանկյունից նայենք, նույն 2016 թվականին ՊՊԾ գնդի իրադարձությունները ներվեցին ԱԱԾ պետ Գեորգի Կուտոյանին: Ըստ էության իրենց կողմից հայտարարված մի բան տեղի ունեցան, որ իրենք իբր ուզում են ասել, որ նման բան էր ծրագրվում, որը կանխվել է: Ոստիկանաության պետ Վլադիմիր Գասպարյանին նույն իրադարձությունները ներվեցին, բայց Հովիկ Աբրահամյանին ինչ-որ բան չներվեց»,- ասաց Նիկոլ Փաշինյանը՝ հավելելով, որ ամենակարևոր պատճառն այն էր, որ Հայաստանը թեւակոխում էր իշխանության տրանսֆորմացիայի մի շրջան, իսկ Հովիկ Աբրահամյանը ՀՀԿ-ի հնաբանակներից լինելով կարող էր իր շուրջ որոշակի կոնսոլիդացիա ապահովել որոշակիորեն խառնելով Սերժ Սարգսյանի պլանները:
Պատգամավորի համոզմամբ սա էր այն հիմնական պատճառը, որի համար պաշտոնանկ արվեց Հովիկ Աբրահամյանը:
