04.06.2026 | 20:07
ՊՆ-ն պարզաբանում է սահմանային անցակետերում ռազմական ոստիկանության ներկայության նպատակը
Ռուսաստանը Հայաստանի թշնամին չէ և երբեք չի դառնա․ ՌԴ ԱԳՆ խոսնակ
Քաղաքականություն
13.09.2023 | 13:19
Ռուսաստանը Հայաստանի թշնամին չէ և երբեք չի դառնա։ Արևելյան տնտեսական ֆորումի շրջանակում ՌԻԱ Նովոստիին տված հարցազրույցում այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Ռուսաստանը չէր, որ ճանաչեց Ադրբեջանի իրավունքները Լեռնային Ղարաբաղի նկատմամբ, դա արեց Հայաստանի ղեկավարությունը։ Դա իրենց՝ Հայաստանի ժողովրդի որոշելիքն է, թե ինչպես վերաբերվեն դրան։ Բայց պետք չէ Երևանում կայացված որոշումների մեղքն ու պատասխանատվությունը բարդել Ռուսաստանի վրա»,- հայտարարել է ՌԴ ԱԳՆ ներկայացուցիչը։
Զախարովան նաև հավելել է, որ Մոսկվայի կոշտ արձագանքը Ռուսաստանի վերաբերյալ Երևանի կոշտ հայտարարություններին «առաջացել է փաստերի փոխարինմամբ»։
«Մենք ուշադրություն ենք դարձրել ոչ այնքան անձնական բնույթի տոնայնությանն ու վիրավորական բաներին, կոպտությանը, մենք դրան ուշադրություն չենք դարձրել, այլ այն բանին, որ դրանք հիմնված են կեղծիքի, անճշտության, փաստերը փոփոխելու փորձի վրա։ Հենց դա է առաջացրել մեր արձագանքը, դրա համար էլ դեսպանը հրավիրվել է ԱԳՆ»,- նշել է Զախարովան։
