19.12.2025 | 11:44
Հայաստանը եղել և մնում է ՀԱՊԿ դաշնակիցը. Տասմագամբետով
Ռուսաստանի Կարմիր խաչի մարդասիրական օգնությունը չի հասել Արցախ. Արտակ Բեգլարյան
Քաղաքականություն
10.09.2023 | 15:11
Իմ ունեցած տեղեկատվության համաձայն՝ Ռուսաստանի Կարմիր խաչի մարդասիրական օգնությունը դեռ չի հասել Արցախ՝ Ադրբեջանի կողմից նախապես չհամաձայնեցված լրացուցիչ խոչընդոտների և պայմանների պատճառով։ Ռուսական օգնությունը ներկայումս մնացել է Ադրբեջանում, իսկ Լաչինի միջանցքը` ամբողջությամբ արգելափակված։ Այս մասին X-ի իր միկրոբլոգում գրել է Արցախի պետնախարարի նախկին խորհրդական Արտակ Բեգլարյանը։
«Արցախյան կողմն ընդունել է Ադրբեջանի տարածքով մարդասիրական օգնության հասանելիություն տրամադրելու ռուսական առաջարկը՝ պայմանով, որ Կարմիր խաչի միջազգային կոմիտեի և ռուս խաղաղապահների կողմից Լաչինի միջանցքը բացվի մարդասիրական մատակարարումների համար։ Ռուսական Կարմիր Խաչը փորձում է ռուսական արտադրության ապրանքներ մատակարարել ռուսական մեքենաների միջոցով։ Սակայն Ադրբեջանը մշտապես վերջին պահին արգելափակում է բոլոր նախաձեռնությունները՝ անընդհատ փորձելով բարձրացնել իր բանակցային շեմը և ձգձգել գործընթացը՝ միաժամանակ շարունակելով ցեղասպանությունը և պահելով ճնշումը արցախյան կողմի վրա։
Բոլոր միջազգային դերակատարների համար հրամայական է հրապարակայնորեն փաստագրել ադրբեջանական կողմի ապակառուցողական պահվածքը՝ դուրս գալով զուտ խոսքերի մակարդակից և գործնական ճնշում գործադրելով նրա վրա։ Ցեղասպան ռեժիմների հետ բանակցությունների և միջնորդության ստանդարտ մոտեցումը հավասարազոր է մեղսակցության»,- գրել է Ա. Բեգլարյանը` որպես հետգրություն հիշեցնելով, որ ինքն այլևս պաշտոնական անձ չի հանդիսանում, և իր հայտարարությունները ոչ պաշտոնական և փորձագիտական կարծիքներ են։
Based on the information I have, the humanitarian aid from the Russian Red Cross has not yet reached Artsakh due to additional impediments and conditions imposed by Azerbaijan, which were not previously agreed upon. The Russian aid is currently stuck in Azerbaijan, and the Lachin…
— Artak Beglaryan | #StopArtsakhGenocide (@Artak_Beglaryan) September 10, 2023
