18.12.2025 | 11:00
Կառավարության նիստը՝ ՈՒՂԻՂ
Իրանը երբեք չի ընդունի տարածաշրջանում աշխարհաքաղաքական որևէ փոփոխություն. Աբդոլլահիան
Քաղաքականություն
03.09.2023 | 22:00
Իրանը երբեք չի ընդունի տարածաշրջանում աշխարհաքաղաքական որևէ փոփոխություն և առկա պատմական տարանցիկ երթուղիների արգելափակում: Այս մասին հայտարարել է Իրանի արտաքին գործերի նախարար Հոսեյն Ամիր Աբդոլլահիանը Թուրքիայի արտաքին գործերի նախարար Հաքան Ֆիդանի հետ համատեղ ասուլիսի ժամանակ․ հաղորդում է MEHR News լրատվական գործակալությունը։
«Եկել է ժամանակը թողնելու լարվածության և հակամարտությունների շրջանը և առաջ շարժվել դեպի Կովկասում խաղաղության և համագործակցության հաստատման շրջան։ Մենք աջակցում ենք Հայաստանի և Ադրբեջանի միջև պայմանավորվածություններին և երկխոսություններին և երբեք չենք ընդունի տարածաշրջանում որևէ աշխարհաքաղաքական փոփոխություն և տարածաշրջանում առկա պատմական տարանցիկ ուղիների արգելափակում»,- նշել է Իրանի ԱԳ նախարարը։
Հիշեցնենք, որ այսօր Թեհրանում կայացել է Իրանի և Թուրքիայի արտաքին գործերի նախարարների հանդիպումը։
