06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Որտեղ է բռնության ենթարկվել երեխան․ Factor TV-ն այցելել է Գավառի բնակարան, զրուցել հարևանների հետ․ ՏԵՍԱՆՅՈՒԹ
Հասարակություն
18.08.2023 | 21:57
Factor TV-ի նկարահանող խումբն այցելել է այն բնակարան, որտեղ մոր կողմից անչափահաս դուստրը ֆիզիկական, հոգեբանական և սեռական բռնությունների է ենթարկվել։ Ընտանիքն այժմ Գավառից տեղափոխվել է Երևան, սակայն ոստիկանությունը հայտնում է, որ բռնությունը կատարվել է Գավառում վարձակալված բնակարանում։
Հիշեցնենք՝ համացանցում տարածված տեսանյութում երևում է, թե ինչպես է Աննա Արևշատյանը բռնության ենթարկում իր անչափահաս դստերը՝ ներգրավելով նաև մյուս երեխաներին։ Հինգ անչափահաս երեխա ունեցող ընտանիքում փոքրիկները բռնության են ենթարկվել նաև հոր կողմից։ Հայրը՝ Թաթուլ Մադաթյանը, սեռական բռնության է ենթարկել իր 7-ամյա դստերը։
Աննա Արևշատյանի հարևանները խստորեն դատապարտում էին ամուսինների պահվածքը, միաժամանակ, Factor TV-ի հետ զրույցում հավաստիացնում, թե ընտանիքին չեն ճանաչել, չեն շփվել, ինչպես նաև նրանց տանից երբևէ բռնության ձայներ չեն լսել։
Անչափահաս երեխային բռնության ենթարկելու գործով քրեական վարույթ է նախաձեռնվել։ Երեխայի մայրը ձերբակալված է, նրան մեղադրանք է առաջադրվել քրեական օրենսգրքի միանգամից 4 հոդվածներով։ Երեխաների խնամքով առայժմ զբաղվելու է ՀՕՖ-ը։ Բռնարար մայրը, ի վերջո, ի՞նչ պատժաչափ կստանա, դեռևս պարզ չէ, սակայն ակնհայտ է մի բան․ երեխաների հոգեբանությանը հասցված վնասը կարող է անդառնալի լինել և իր մասին հիշեցնել նրանց ամբողջ կյանքում։
Մանրամասները՝ տեսանյութում։
Նարեկ Կիրակոսյան
