13.12.2025 | 12:27
Ըստ լեհական մամուլի՝ Երևանում «Լեգիայի» երկրպագուների վրա հարձակվել է Ռուսաստանից ժամանած կազմակերպված խումբ
Հայաստանն առաջին մեդալն ունի ըմբշամարտի երիտասարդական ԱԱ-ում
16.08.2023 | 15:32
Օգոստոսի 14-ից Հորդանանում մեկնարկել է ըմբշամարտի երիտասարդական աշխարհի առաջնությունը: Ազատ ոճի ըմբշամարտի մրցումներում Հայաստանն առաջին մեդալն ունի. 57 կգ քաշային Էդիկ Հարությունյանը բրոնզե մեդալ է նվաճել․ տեղեկացնում են ՀՀ ԿԳՄՍՆ-ից։
Հայ ըմբիշը մեկնարկում վստահ հաղթանակ է տարել, սակայն հաջորդ գոտեմարտում զիջել է ԱՄՆ ներկայացուցչին: Քանի որ վերջինս հասել է եզրափակիչ, Էդիկ Հարությունյանը սփոփիչ գոտեմարտի հնարավորություն է ստացել:
Սփոփիչ գոտեմարտում 6:3 հաշվով հաղթանակի շնորհիվ Հարությունյանը դուրս է եկել բրոնզի համար պայքարի: Մեդալի համար գոտեմարտում հայ ըմբիշը 8:4 հաշվով հաղթել է ադրբեջանցի Ռուսլան Աբդուլաևին:
Օգոոստոսի 16-ին բրոնզե մեդալների համար կգոտեմարտեն 86 կգ քաշային Մուշեղ Մկրտչյանը և 92 կգ քաշային Կնյազ Իբոյանը:
Հիշեցնենք, որ ըմբշամարտի երիտասարդական ԱԱ-ն նախատեսված է մինչև օգոստոսի 21-ը:
