18.12.2025 | 17:21
Մալաթիայի «Ոսկու շուկա»-ի տնօրենը ձերբակալվել է ապօրինի զենք կրելու կասկածանքով
Թուրքիան կոչ է արել ՀՀ-ին՝ աջակցել Աղդամի երթուղու գործարկմանն ու «անհիմն» է անվանել Ադրբեջանի հասցեին հնչող մեղադրանքները
Քաղաքականություն
14.08.2023 | 19:43
Թուրքիայի ԱԳՆ-ն անդրադարձել է Լաչինի միջանցքի շուրջ ստեղծված իրավիճակին՝ հայտարարելով, որ ուշադրությամբ հետևում է միջանցքի հետ կապված քննարկումներին։ Անկարան նաև կոչով դիմել է Հայաստանին՝ աջակցելու Աղդամի երթուղու գործարկմանը, փոխանցում է Անադոլուն։
«Արտաքին գործերի նախարարությունը հայտարարել է, որ Թուրքիան ուշադրությամբ հետևում է Լաչինի ճանապարհի հետ կապված երկար քննարկումներին և հասկանում է այս հարցում Ադրբեջանի օրինական մտահոգությունները։ Թուրքիայի ԱԳՆ-ն ակնկալում է, որ Հայաստանը ձեռնպահ կմնա սադրիչ քայլերից և կճանաչի Ադրբեջանի տարածքային ամբողջականությունն ու ինքնիշխանությունը, կաջակցի Աղդամ-Ստեփանակերտ երթուղու և այլընտրանքային այլ ուղիների օգտագործմանը՝ Ղարաբաղի հայ բնակչության կարիքները բավարարելու համար, և կաջակցի հայ բնակչության վերաինտեգրմանն ուղղված Ադրբեջանի ջանքերին»,- ասված է Թուրքիայի ԱԳՆ հայտարարության մեջ։
Թուրքիան նաև կարծում է, որ «Ադրբեջանի հասցեին Լաչինի ճանապարհի վերաբերյալ քննադատական արտահայտությունները հիմնավորված չեն»։
