06.08.2026 | 15:16
Պիտի կարողանան ՀԷՑ-ը խլել, որ հանձնեն. Սամվել Կարապետյան. ՏԵՍԱՆՅՈՒԹ
Հայտնաբերվել է Երկրի վրա երբևէ ապրած ամենածանր կենդանին
03.08.2023 | 23:15
Պերուի մայրաքաղաքում ցուցադրվում են հնագույն կետի կմախքի մասերը։ Այս կաթնասունը կարող է լինել ամենածանր կենդանին, որը երբևէ ապրել է երկրի վրա, գրում է Euronews-ը։
Նշվում է, որ բրածոները 39 մլն տարեկան են։ Դրանք գտել են Իկա անապատում, ժամանակին սա եղել է ծանծաղ ծովածոցի հատակ: Մի քանի ողեր, կողոսկրեր և կոնքի մի մասը հայտնաբերվել են 13 տարի առաջ և այդ ժամանակվանից մանրակրկիտ ուսումնասիրվել են:
Դեռևս ամենածանր արարածը Երկրի պատմության մեջ համարվում է կապույտ կետը, որը կշռում է 180 տոննա։ Պերուական կետն ավելի փոքր է, քան կապույտը, բայց, հնարավոր է, ավելի ծանր. այն ունի շատ ծանր ոսկորներ, յուրաքանչյուր ողն ավելի քան մեկ ցենտներ է, իսկ կետն ամբողջությամբ կարող էր կշռել 200 տոննա, իսկ որոշ գնահատականներով՝ նույնիսկ 340:
Այս գտածոն ստացել է Perucetus colossus անունը՝ «հսկայական պերուական կետ»։
Սա հակադարձում է գիտնականների հաստատված պատկերացումներին կետրերի էվոլյուցիայի մասին. մինչ այժմ ենթադրվում էր, որ դրանք այդպիսի հսկա չափերի են հասել միայն վերջին մի քանի միլիոն տարվա ընթացքում:
Էմմա Չոբանյան
