19.02.2026 | 23:55
Եպիսկոպոսաց հավաքը հանդես է եկել հայտարարությամբ
Ալիևը վստահեցրել է, որ Բաքուն երբեք չի լինելու միջանցք ստեղծելու և ՀՀ ու ԻԻՀ միջև միջանցքների փակման ջատագով. Իրանի ԱԳ նախարար
Քաղաքականություն
25.07.2023 | 10:49
Իրանի արտաքին գործերի նախարարը հայ գործընկերոջ հետ հանդիպմանը մանրամասներ է ներկայացրել հաղորդակցությունների ապաշրջափակման վերաբերյալ Ադրբեջանի նախագահի հետ ունեցած իր զրույցից։
«Արմենպրես»-ի հաղորդմամբ՝ Հոսեյն Ամիր Աբդոլլահիանը նշել է, որ զրուցել են տարածաշրջանի գոյություն ունեցող միջանցքների, տարանցիկ հնարավորությունների և հաղորդակցությունների խոչընդոտների վերացման անհրաժեշտության և երկու երկրների միջև պատմական ու ավանդական՝ միջանցքների համար խոչընդոտ չստեղծելու մասին:
Նա ասել է, որ Թեհրանը և Երևանը տարանցիկ երթուղիների կարևորության հետ կապված հատուկ ընդգծվածություն ունեն:
«Ես այսօրվա քննարկումների ընթացքում իմ գործընկերոջը ներկայացրել եմ Ադրբեջանի նախագահի հետ հանդիպման ընթացքում Ալիևից լսածն այն մասին, որ Զանգեզուրի միջանցքը նա արծարծում է որպես խոչընդոտների վերացմանն ուղղված քայլ: Ալիևը վստահեցրել է, որ Ադրբեջանը չի եղել և երբեք չի լինելու միջանցք ստեղծելու և Հայաստանի և Իրանի միջև պատմական միջանցքների փակման ջատագով: Մենք էլ ադրբեջանցի պաշտոնատար անձանց բացատրել ենք, որ նույնիսկ ճգնաժամային պայամններում չենք փակելու Ադրբեջանից Նախիջևան հաղորդակցության ուղին և այդ առումով երկու երկրների միջև կա պայմանավորվածություն»,- ասել է նա:
