06.08.2026 | 19:04
Գուտերեշը շնորհավորել է Փաշինյանին
Հարավարևելյան Եվրոպայում շոգից հետո փոթորիկներ են մոլեգնում
20.07.2023 | 14:35
Եվրոպայի հարավ արևելքում և Բալկանյան երկրներում շոգերին փոխարինում են փոթորիկները։ Euronews-ի հաղորդմամբ՝ ուժեղ փոթորիկը Սերբիա է բերել սաստիկ քամիներ և հորդառատ անձրևներ։ Քաղաքի որոշ շրջաններ մնացել են առանց էլեկտրականության, իսկ Բելգրադի օդանավակայանը ժամանակավորապես փակվել է։ Օդերևութաբանները զգուշացնում են, որ առաջիկայում եղանակային վտանգավոր պայմանները պահպանվելու են։
Առնվազն հինգ մարդ տարերքի զոհ է դարձել՝ Խորվաթիայում, Սլովենիայում ու Բոսնիա և Հերցեգովինայում։ Նրանք մահացել են քամու հետևանքով տապալված ծառերի պատճառով։ Տասնյակ մարդիկ են տուժել։ Փրկարար ծառայությունները հարյուրավոր կանչեր են գրանցել։
Խորվաթիայի մայրաքաղաք Զագրեբում տեղումները ջրի մակարդակի հանկարծակի բարձրացման պատճառ են դարձել։ Վատ եղանակի պատճառով դադարեցվել է քաղաքային տրանսպորտի աշխատանքը։
Սլովենիայում տասնյակ մարդիկ մնացել են առանց էլեկտրականության, զբոսաշրջիկները տարհանվել են ճամբարներից, քանի որ ուժեղ քամին տապալել է նրանց վրանները։ Վնաս է հասցվել նաև բարձրլեռնային շրջաններին, իշխանությունները հորդորում են հեռու մնալ անտառներից։
Էմմա Չոբանյան
