24.11.2024 | 14:02
Ավտոմեքենայի դուռը փակվել է, 1-ամյա երեխան մնացել է ներսում․ օգնել են փրկարարները
Բրյուսելում մեկնարկել է Փաշինյան-Միշել-Ալիև հանդիպումը․ ՏԵՍԱՆՅՈՒԹ
Քաղաքականություն
15.07.2023 | 15:29
Բրյուսելում մեկնարկել է Հայաստանի Հանրապետության վարչապետ Նիկոլ Փաշինյանի, ԵՄ խորհրդի նախագահ Շառլ Միշելի և Ադրբեջանի Հանրապետության նախագահ Իլհամ Ալիևի եռակողմ հանդիպումը: Այս մասին ֆեյսբուքյան իր էջում գրել է վարչապետի մամուլի խոսնակ Նազելի Բաղդասարյանը։
Հիշեցնենք՝ այսօր ավելի վաղ Փաշինյանը երկկողմ հանդիպում է ունեցել Եվրոպական խորհրդի նախագահ Շառլ Միշելի հետ: Վարչապետի մամուլի խոսնակ Նազելի Բաղդասարյանի տեղեկացմամբ՝ Լեռնային Ղարաբաղի նախագահի խնդրանքով՝ Փաշինյանը Շառլ Միշելին է փոխանցել Արայիկ Հարությունյանի նամակը։ Երեկ տեղի է ունեցել նաև Միշելի հանդիպումն Ադրբեջանի նախագահ Իլհամ Ալիևի հետ։
Ըստ ադրբեջանական կողմի՝ Ալիևը երախտագիտություն է հայտնել Եվրոպական խորհրդի նախագահին՝ հայ-ադրբեջանական հարաբերությունների կարգավորման խնդրում ջանքեր գործադրելու համար, Ալիևը նաև նշել է բրյուսելյան ձևաչափի արդյունավետությունը։
Հիշեցնենք նաև, որ Բրյուսելում եռակողմ ձևաչափով նախորդ հանդիպումը տեղի էր ունեցել մայիսի 13-ին։
