23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Ռուսական նավթը կորցնում է իր գրավչությունը հնդիկ գնորդների համար․ The Times of India
Քաղաքականություն
10.07.2023 | 17:09
Ռուսական նավթը կորցնում է իր գրավչությունը հնդիկ գնորդների համար, քանի որ դրա զեղչերը, Brent տեսակի համեմատ, նվազել են մինչև 4 դոլար՝ մեկ բարելի դիմաց։ Այս մասին գրում է The Times of India-ն՝ հղում անելով իր աղբյուրներին։
Նշվում է, որ ձմռանը ամենաբարձր կետում զեղչը հասնում էր 25-30 դոլարի։
Ռուսական նավթ վաճառողները փորձում են շրջանցել արևմտյան երկրների կողմից սահմանված 60 դոլար գնի վերին շեմը՝ ստանձնելով խմբաքանակների առաքման և բեռնաթափման պարտավորությունը, ուռճացնելով տրանսպորտային սակագինը, որը ներառված է մատակարարումների ընդհանուր արժեքում։ Բալթիկ կամ Սև ծովերի նավահանգիստներից նրանք գանձում են 11-19 դոլար՝ մեկ բարելի բեռնափոխադրման համար, և այդ գումարը գրեթե կրկնակի գերազանցում է նորման։
Ընդ որում, նավթը վաճառվում է վերին շեմից ընդամենը 1-2 դոլար ցածր գնով։ Թեև այդ բացը հստակորեն նախատեսված է պատժամիջոցների կիրառման ուղեցույցում, սակայն դրա կիրառման դեմ պայքարելը դժվար է, քանի որ Ռուսաստանը Հնդկաստան բեռնափոխադրումների համար օգտագործում է ստվերային նավատորմ, գրում է պարբերականը։
Տաթև Ֆռանգյան
