06.08.2026 | 18:13
Սոցցանցերում բոտերը Վրաստանում ռուսների նկատմամբ թշնամանքի մասին գրառումներ են տարածել․ Թբիլիսին հետաքննություն է սկսել
Երևանում հուլիսի 4-ին և 5-ին մի շարք ճանապարհներ փակ կլինեն
03.07.2023 | 18:06
ՀՀ սահմանադրության և պետական խորհրդանշանների տոնի նախօրեին՝ հուլիսի 4-ին 00.00-ին կսկսվի «Tricolor» Yerevan Night Run գիշերային վազքը, ինչով պայմանավորված՝ հուլիսի 4-ին 20.00-ից փակ կլինի Վազգեն Սարգսյանի անվան փողոցը, իսկ 23.00-ից կփակվի Հանրապետության հրապարակը:
Այս մասին տեղեկանում ենք «Մենք» պետական և ազգային արժեքների հանրահռչակման հիմնադրամի տարածած հաղորդագրությունից։
Ժամը 00.00-ից կփակվեն նաև Շահումյանի անվան հրապարակը, ինչպես նաև մասնակի կփակվեն Նալբանդյան, Թումանյան և Աբովյան փողոցները:
Հուլիսի 5-ին` ՀՀ սահմանադրության և պետական խորհրդանշանների օրը, տեղի կունենա ավանդական տոնական քայլերթը, որը կմեկնարկի Ազատության հրապարակից՝ անցնելով Մաշտոցի պողոտայով, Ամիրյան փողոցով, և կավարտվի Հանրապետության հրապարակում։
Այդ օրը 19.00-20։00 երկկողմանի փակ կլինեն Մաշտոցի պողոտան և Ամիրյան փողոցը։ Ժամը 19։00-22։00 փակ կլինի Հանրապետության հրապարակը, որտեղ տոնական համերգ տեղի կունենա։
