Տնտեսություն
03.07.2023 | 11:03Երևան քաղաքի բոլոր վարչական շրջաններում գծանշման աշխատանքները սահմանված ժամանակացույցով կատարված են՝ բացառությամբ այն փողոցների, որտեղ շինարարական աշխատանքներ են իրականացվում։
Շինարարական աշխատանքներից աավարտից անմիջապես հետո այդ փողոցներում ևս կկատարվեն գծանշման աշխատանքներ։
Գծանշման աշխատանքների հետ կապված ծառայություն մատուցող ընկերությանը հանձնարարվել է հանդիպել վարչական շրջանների աշխատակիցների հետ և գրավոր հայտնել գծանշված աշխատանքների հնարավոր թերությունների մասին կամ ներկայացնել հիմնավորումներ աշխատանքների պատշաճ չկատարման մասին։
Միաժամանակ ներգրավվել է տեխնիկական հսկողություն իրականացնող կազմակերպությունը՝ հարցի վերաբերյալ պարզաբանումներ և հիմնավորումներ ներկայացնելու համար։ Այս մասին զեկուցվեց Երևանի քաղաքապետարանի այսօրվա գործակարգավարական նիստի ժամանակ։
Երևանի փոխքաղաքապետ Տիգրան Ավինյանն ընդգծեց․ «Շատ կարևոր է, որ այս որակի գծանշումների վերջին տարին լինի։ Հաջորդ տարվանից գծանշումների որակը պիտի բարձրացնենք, որ ամեն տարի ներկը թարմացնելու խնդիր չունենանք»։
Մանրամասները՝ տեսանյութում։
