17.12.2025 | 20:11
Ռուսական զորքերը հարվածներ են հասցրել Զապորոժիեի բնակելի շենքերին. վիրավորել է 26 մարդ
Առաջարկվել է 15 րոպեով քաղաքավարական այց անել հրամկազմին․ Փաշինյանը՝ Աննա Հակոբյանի՝ բունկերում գտնվելու մասին․ ՏԵՍԱՆՅՈՒԹ
Քաղաքականություն
27.06.2023 | 14:41
Երբ պատերազմը սկսվել է, կինս ինձ ասել է, որ ես չեմ կարող Երևանում պարապ մնալ և ցանկություն է հայտնել, որ գնա և հնարավորության դեպքում մարդկանց օգնություն ցույց տա։ Այս մասին այսօր 44-օրյա պատերազմի հանգամանքներն ուսումնասիրող ԱԺ քննիչ հանձնաժողովի նիստում հայտարարեց ՀՀ վարչապետ Նիկոլ Փաշինյանը՝ անդրադառնալով սոցցանցերում տարածված տեսանյութերին և դիտարկմանը, որ պատերազմի ժամանակ բունկերում գտնվել են մարդիկ, որոնք այնտեղ գտնվելու իրավունք չունեն, մասնավորապես Դավիթ Գալստյանի` «Պատրոն Դավոն», և վարչապետի տիկը` Աննա Հակոբյանը։
Փաշինյանը հակադարձող հարց ուղղեց հանձաժողովի նիստում ներկաներին` իսկ արդյոք այն մարդը, ով հրապարակել է իր կնոջ` բունկերում լինելու տեղեկությունները, իրավունք ուներ այնտեղ լինելու։
«Ամենևին փաստ չէ, որ այն մարդը, որը հրապարակել է այդ տեղեկությունը, խոսքը Մովսես Հակոբյանի մասին է, ինքը այդ բունկերում գտնվելու իրավունք ուներ: Որովհետև ինքը այդ ժամանակ եղել է ՊՆ ռազմական վերահսկողության վարչության պետը, և ինքը ռազմական դրության պայմաններում իր աշխատավայրում չի գտնվել: Ես դիմել եմ ՊՆ-ին, որ հիմնավորեն, որ նա այդտեղ գտնվելու իրավունք ուներ»,- նշեց վարչապետը:
«Այդ օրերին ահագին մարդիկ՝ կանայք, լքել էին Ստեփանակերտը։ Իմ կնոջ այնտեղ գտնվելու սիմվոլիկ իմաստն այն է եղել, որ նաև մենք այնտեղ մեր ներկայությունն ապահովվենք»,- նշեց Փաշինյանը՝ նշելով, որ այդ ընթացքում Աննա Հակոբյանը շփվել է նաև Լեռնային Ղարաբաղի ղեկավարության հետ։
Այդ ժամանակ էլ գաղափար է հնչել, որ Աննա Հակոբյանը գնա բունկեր, որ հրամկազմը տեսնի, որ Հայաստանի վարչապետի կինը Ստեփանակետում է. «Եղել են մարդիկ, որոնք կարծել են, որ դա դրական ներգործություն կունենա և որոշվել է «քաղաքավարական այց» անել հրամկազմին: Դա քաղաքավարական այց է եղել, գնացել է բարևել է, ոգևորել է, 10-15 րոպե մնացել է և դուրս եկել»,- ասաց վարչապետը։
Փաշինյանը հիշեցրեց, որ դրանից հետո իր կինը կոչով դիմել է կանանց․ «Ձևավորվել է կանանց կամավորական փոքր ջոկատ, որը Սյունիքի մարզում իրականացրել է մարտական պատրաստություն, որից հետո նաև եղել է մարտական դիրքում, բայց ոչ առաջին դիրքում, այլ երկրորդ գծում և իրականացրել է մարտական հերթապահություն»:
Մանրամասները՝ տեսանյութում։
