22.02.2026 | 13:09
Երևանում սպասվում են տեղումներ՝ ձնախառն անձրևի և անձրևի տեսքով
Տաքսիներում կանխիկի շրջանառությունը պետք է կրճատենք. Նիկոլ Փաշինյան․ ՏԵՍԱՆՅՈՒԹ
Տնտեսություն
22.06.2023 | 12:21
Տաքսիներում կանխիկի շրջանառությունը պետք է կրճատենք. Այս մասին այսօր կառավարության նիստում հայտարարեց Նիկոլ Փաշինյանը։
ՏԿԵ նախարար Գնել Սանոսյանը, ներկայացնելով նոր նախագծերի փաթեթը, տեղեկացրեց, որ սահմանել էլեկտրոնային հարթակով և ֆիզիկական անձանց կողմից մարդատար տաքսի ավտոմոբիլով ուղևորափոխադրման դեպքում էլեկտրոնային հսկիչ դրամարկղային մեքենայի պարտադիր կիրառություն էլեկտրոնային անդորրագրի տրամադրման պահանջ: Սահմանել ոլորտի իրավախախտումների դեպքում վարչական պատասխանատվության միջոցներ։
Սանոսյանը նաև հայտնեցմ որ նախագծի շրջանակում առաջարկվում է ևս 1 փոփոխություն՝ կանոնավոր ուղևորափոխադրումների միասնական երթուղային ցանցի գործընթացն ավելի արագացնելու և բոլորը ներդրումային առումով գրավիչ դարձնելու համար միջմարզային և ներմարզային կանոնավոր ուղևորափոխադրումների հարկային բեռն ենք առաջարկում թեթևացնել և հանել միջմարզային և ներմարզային կանոնավոր ուղևորափոխադրումների՝ պետական տուրքի մասին պահանջը: Առաջարկվում է, որ փաթեթն ուժի մեջ մտնի 2024 թվականի սեպտեմբերի 1-ից:
Նշվեց, որ հանրապետությունում էլեկտրոնային հարթակների միջոցով ուղևորափոխադրման ծառայությունների մատուցումը մեծ կիրառություն ունի, սակայն ոլորտն օրենսդրական կարգավորում չունի։
Տաքսիների հետ կապված կանխիկի շրջանառությունը պետք է կրճատենք և միջնաժամկետում վերացնենք: Այս մասին ընդգծեց վարչապետ Նիկոլ Փաշինյանը:
«Հիմա աշխարհում դա ընդունված է, որ տաքսիներում նաև POS-տերմինալներ են տեղադրվում: Իհարկե հիմա էլ անկանխիկ սմարթֆոնների հավելվածներով վճարելու հնարավորությունը կա, բայց սա էլ պետք է մեր հեռանկարում լինի: Այդ հարցում պետք է շահառուներին օգնության կանչենք: Օրինակ` շահառուներին պետք է տանք իրավունքներ, որ եթե n8anq քարտով են երթևեկում, կամ կանխիկ դրամ չունեն և եթե տաքսիներում չկա անկանխիկ վճարելու հնարավորություն, իրենց որոշակի հնարավորություններ պետք տանք, որովհետև դա շահառուի պարտավորությունը չպետք է լինի, որ ինքը կանխիկ կամ էլեկտրոնային դրամ ունենա, այլ դա ծառայությունը մատուցողի պարտավորությունը պետք է լինի: Եթե չկա այդ ծառայությունը, ուրեմն շահառուին պետք է տանք իրավունք դե յուրե չվճարելու: Շահառուն պետք է ասի՝ շնորհակալություն, ցտեսություն, ու գնա իր գործին»,- նշեց վարչապետը։
Տարածքային կառավարման և ենթակառուցվածքների նախարաար Գնել Սանոսյանը նշեց, որ վարչապետի թվարկածները իրենք ներառել են օրենքի նախագծում:
«Ե՛վ ֆիզիկական անձանց դեպքում, և՛ էլեկտրոնային հարթակով աշխատող տաքսիների դեպքում, սահմանվել է պարտադիր պահանջ, որպեսզի ունենան էլեկտրոնային հսկիչ դրամարկղային մեքենա և էլեկտրոնային անդորրագիր: Այս օրենքը 2024 թվականի սեպտեմբերից կմտնի ուժի մեջ»,- նշեց Սանոսյանը։
Մանրամասները՝ տեսանյութում։
