07.10.2026 | 23:48
Արթուր Դանիելյանը կալանավորվեց
ՄԱԿ-ի Մարդու իրավունքների գերագույն հանձնակատարն ընդգծել է Լաչինի միջանցքով ազատ և անվտանգ տեղաշարժի կարևորությունը
Քաղաքականություն
20.06.2023 | 15:13
ՄԱԿ-ի Մարդու իրավունքների գերագույն հանձնակատար Վոլկեր Տյուրկը նախօրեին Մարդու իրավունքների խորհրդի 53-րդ նստաշրջանի բացման իր խոսքում անդրադարձել է Ադրբեջանի կողմից Լաչինի միջանցքի փակմանն ու Արցախում ստեղծված հումանիտար իրավիճակին։
«Իմ գրասենյակը տարիներ շարունակ ձգտել է մուտք գործել Հարավային Կովկասի տարածաշրջանի դե ֆակտո իշխանությունների արդյունավետ վերահսկողության տակ գտնվող տարածքներ: Մարդիկ ավելի խոցելի են դառնում ՄԱԿ-ի մարդու իրավունքների մեխանիզմի հետ կանոնավոր մոնիթորինգի և շփման բացակայության պատճառով: Մուտքը մեզ հնարավորություն կտա իրականացնել մարդու իրավունքների գնահատումներ և լուծել մարդկանց կարիքները, ինչպես նաև օգնել վստահության ձևավորմանը»,- ասել է Տյուրկը։
«Ես կոչ եմ անում Հայաստանին ու Ադրբեջանին արագացնել խաղաղության ջանքերը՝ հիմնված մարդու իրավունքների վրա։ Ես նաև ընդգծում են Լաչինի միջանցքով ազատ և ապահով տեղաշարժի կարևորությունը և խաղաղ բնակչության վրա մարդասիրական որևէ ազդեցությունից խուսափելու անհրաժեշտությունը»,- հավելել է նա։
Նշենք, որ ապրիլի 23-ից Բաքվի իշխանություններն ապօրինի անցակետ են տեղադրել Լաչինի միջանցքում, իսկ հիմա վերջնականապես արգելել են նույնիսկ Կարմիր Խաչի միջազգային կոմիտեի կողմից իրականացվող փոխադրումները՝ խորացնելով Արցախում հումանիտար ճգնաժամը։
Էմմա Չոբանյան
