08.10.2026 | 19:27
Լավագույն բուհերում սովորողներին տարկետում կտրվի մինչև 32 տարեկանը
Ինչու Բորիս Նավասարդյանը չի առաջադրվել
20.06.2023 | 13:00
Հունիսի 16-ին տեղի է ունեցել Երևանի մամուլի ակումբի ընդհանուր ժողով։ Օրակարգում եղել են ԵՄԱ նախագահի, վարչության և վերստուգիչ հանձնաժողովի հաշվետվությունների քննարկումը, ինչպես նաև կազմակերպչական հարցեր և ընտրություններ, հայտնում են ԵՄԱ-ից։ Քվեարկության արդյունքում ԵՄԱ նախագահ է ընտրվել Արթուր Պապյանը, ԵՄԱ փոխնախագահ Սեդա Շիգանյանը, ինչպես նաև ձևավորվել ԵՄԱ վարչություն՝ խորհրդի կազմից և վերստուգիչ հանձնաժողովը։ Հաստատվել է նաև գործադիր տնօրենի, ինչպես նաև մասնագիտական էթիկայի հանձնաժողովի կազմը։
Factor.am-ի հետ զրույցում ավելի քան 28 տարի Երևանի մամուլի ակումբի նախագահի պաշտոնը զբաղեցրած Բորիս Նավասարդյանն ասաց, որ որոշել է չառաջադրվել որպես ԵՄԱ նախագահի թեկնածու, իր տեղը զիջելով Մեդիափորձագետ, CyberHUB-AM թիմի համահիմնադիր Արթուր Պապյանին.
«Այլ աշխատանքսվ կզբաղվեմ այժմ։ 1995 թվականին Երևանի մամուլի ակումբը ստեղծելու նախաձեռնող խմբում եմ եղել, ապա խորհրդի քվեարկության արդյունքում ընտրվել նախագահ և պաշտոնավարել մինչ 2023 թվականի հունիսի 16-ը, ինչից հետո մնացել եմ որպես պատվավոր նախագահ»,- նշեց Նավասարդյանը։
Երևանի մամուլի ակումբը հիմնադրվել է 1995 թվականին՝ դառնալով անկախ Հայաստանի Հանրապետության լրագրողների առաջին մասնագիտական միավորումը։ Կառույցը Հայաստանում գործող եկամուտ չհետապնդող ոչ կառավարական կազմակերպություն է, որը միավորում է լրագրողներին, հրատարակիչներին, ԶԼՄ-ների ղեկավարներին և փորձագետներին՝ անկախ նրանց կուսակցական պատկանելությունից և քաղաքական հայացքներից։
Ռոզա Վարդանյան
