28.06.2026 | 08:00
ԱԱ-2026. Արգենտինայի հաղթանակն ու Մեսիի հերթական գոլը, Ալժիր – Ավստրիա՝ 3:3. ՏԵՍԱՆՅՈՒԹ
Աղթամար կղզու Սուրբ Խաչ եկեղեցում 3 տարվա դադարից հետո պատարագ կմատուցվի
Մշակույթ
05.07.2018 | 20:40
Վանա լճի Աղթամար կղզու Սուրբ Խաչ եկեղեցում 3 տարվա դադարից հետո պատարագ կմատուցվի։ Այս մասին հայտարարել է Վանի նահանգապետ Մուրադ Զորլուօղլուն. տեղեկացնում է ermenihaber-ը:
Նա հայտնել է, որ կղզում պատարագ մատուցելու հարցով քննարկումներ են ունեցել հայկական համայնքի հետ և այժմ բանակցություններ են վարում համապատասխան նախարարության հետ։
«Մեր նպատակը 3 տարվա դադարից հետո այս արարողությունն իրականացնելն է»,-ընդգծել է նահանգապետը։
Նշվում է, որ Պոլսի հայոց պատրիարքարանն առաջիկա օրերին պաշտոնական հայտարարություն կանի այս տարի սեպտեմբերի 9-ին կայանալիք պատարագի վերաբերյալ և մասնակցության կոչով կդիմի ժողովրդին։
Հիշեցնենք, որ Սուրբ Խաչ հայկական եկեղեցին թուրքական կառավարության ֆինանսավորմամբ վերականգնվել էր 2010 թվականին և բացվել թանգարանի կարգավիճակով: Եկեղեցու վերանորոգումից հետո հայ համայնքը տարին մեկ անգամ այնտեղ պատարագ անցկացնելու թույլտվություն էր ստացել։
