27.03.2026 | 17:24
ՖԻՖԱ-ն հաստատել է 5 նոր կանոնները ֆուտբոլում
Օլիվյե Ժիրուի մարզաշապիկի վաճառքից ստացված գումարը կփոխանցվի Արցախ
16.06.2023 | 16:25
Իտալական «Միլանի» և Ֆրանսիայի հավաքականի հարձակվող Օլիվյե Ժիրուն աճուրդի է հանել իր մարզաշապիկը․ գրում է Nouvelle d’arménie-ն։
Երեկ երեկոյան Փարիզում, «Առաքելության գիշեր» հաղորդման ժամանակ, Օլիվյե Ժիրուն աճուրդի է հանել 2022 թվականի ֆուտբոլի աշխարհի գավաթի խաղաշապիկը, որով Ֆրանսիայի հավաքականի պատմության լավագույն ռմբարկուն մասնակցել էր Անգլիայի թիմի դեմ քառորդ եզրափակչի հանդիպմանը և խփել իր հաղթական գոլը։
Նշվում է, որ Օլիվյե Ժիրուն ցանկանում է աջակցել հալածվող քրիստոնյաներին և ի մասնավորի՝ Լեռնային Ղարաբաղի հայերին, որոնք արդեն 6 ամիս է շրջափակման մեջ են:
Վաճառքից ստացված հասույթը փոխանցվելու է «Բաց դռներ» և «Հույս Հայաստանի համար» քրիստոնեական կազմակերպություններին, որոնց ներկայացուցիչներ Անն-Ֆլորենս Ռոշը և Հայ ավետարանչական եկեղեցու հովիվ Ռնե Լևոնյանը շնորհակալություն են հայտնել մարզիկին։ «Շատ շնորհակալություն Օլիվյե Ժիրուին իր հավատքի և մարդասիրության համար»,- նշել են նրանք:
