08.12.2025 | 11:33
«ՏաԹևեր»-ը ճանաչվել է աշխարհի լավագույն ճոպանուղին
Գործարանը կառուցվելու է, թեև Ադրբեջանը չի ուզում, որ ՀՀ-ն տնտեսական հզորացման հասնի. տնօրեն․ ՏԵՍԱՆՅՈՒԹ
Քաղաքականություն
15.06.2023 | 16:13
Մետալուրգիական գործարանը Հայաստանի այլ հատվածներում կառուցելու տարբեր առաջարկներ են եղել, բայց նպատակաուղղված կերպով ընտրվել է Երասխը երկրի սահմանամերձ գոտին զարգացնելու համար։ նշելով, որ նման պնդում է արել ընկերության սեփականատերերից Գրիգոր Տեր–Ղազարյանը։
Ադրբեջանի նպատակը նպատակը գործարանի կառուցումը խոչընդոտելն է։ Այս մասին այսօր՝ հունիսի 15-ին լրագրողների հետ զրույցում ասաց GTB հոլդինգի տնօրեն Տիրան Հակոբյանը`անդրադառնալով Ադրբեջանի զինուժի կողմից Երասխում մետալուրգիական գործարանի տարածք թիրախավորմանը
«Իրենք թիրախավորում են տեխնիկան և աշխատող մարդկանց, փորձում են խոչընդոտել գործարանի կառուցումը: Թե ինչու են այդպես անում, դա էլ է պարզ, որովհետև չեն ուզում, որ տնտեսական հզորացման հասնենք, իսկ մեր գործարանը բավականին լուրջ ներդրում կունենա Հայաստանի տնտեսության մեջ։ Ամբողջական կառուցելուց հետո տարեկան 200-250 հազար տոննա ամրան ենք արտադրելու»,- նշեց Հակոբյանը։
Նրա խոսքով՝ շինարարական աշխատանքները սկսվել են 2 ամիս առաջ։ Մինչ երեկ կրակոցներ չէին եղել, և մեկնարկած շինարարական աշխատանքները նորմալ ընթանում էին։
Տնօրենը շեշտեց, որ հաստատակամ են շարունակելու շինարարությունը, և որոշակի տեխնիկական հարցեր կարգավորելուց ու ճշտելուց հետո աշխատանքները կվերսկսվեն։
Նրա խոսքով՝ մետալուրգիական գործարանը Հայաստանի այլ հատվածներում կառուցելու տարբեր առաջարկներ են եղել, բայց նպատակաուղղված կերպով ընտրվել է Երասխը երկրի սահմանամերձ գոտին զարգացնելու համար․ նման պնդում է արել ընկերության սեփականատերերից Գրիգոր Տեր–Ղազարյանը։
«Մեր կտորում վստահ ենք, որ գտնվում ենք ՀՀ ինքնիշխան տարածքում, և՛ մենք, և՛ մեր զինվորականները հաստատակամ ենք շարունակելու։ Խուճապ չկա, բայց, իհարկե, անհանգստացած ենք»,- հավելեց Հակոբյանը։
Նրա խոսքով` այս պահին ընդհանուր աշխատողները մոտ 200 հոգի են, որոնցից գրեթե 70-ը Հնդկաստանի քաղաքացիներ են։ Քանի որ աշխատանքների մի մեծ ծավալ կա, որը տեխնոլոգիական է, և հնդիկ գործընկերներն ունեն համապատասխան գիտելիքներ այդ աշխատանքների համար։ Չնայած երեկ կատարվածին` նրանք ևս պատրաստակամ են մնալու և շարունակելու աշխատանքը։
Մանրամասները՝ տեսանյութում։
