23.11.2024 | 16:53
ՏԿԵ նախարարն այցելել է Նոր Հաճնի կամուրջ, հանձնարարականներ տվել շինարարներին
Ավտոբուսի վարորդները գոհ են, մյուսները՝ դժգոհ․ Նոր Նորքում հասարակական տրանսպորտի գոտի է առանձնացվել․ ՏԵՍԱՆՅՈՒԹ
Քաղաքականություն
12.06.2023 | 19:02
Այսօրվանից մայրաքաղաքի Գայի պողոտայի առաջին երթևեկելի գոտին առանձնացվել է միայն հասարակական տրանսպորտի երթևեկության համար։ Ծրագիրը փորձնական է․ քաղաքային իշխանությունները նախատեսում են երթևեկության նման փոփոխություններ իրականացնել նաև մայրաքաղաքի այլ հատվածներում։
Հասարակական տրանսպորտի երթևեկության համար նախատեսված գոտով մարդատարների և այլ մեքենաների երթևեկությունն արգելված է, սակայն մենք արձանագրեցինք, որ ոչ բոլոր վարորդներն են ուշադրություն դարձնում այս արգելքին։
Որքանո՞վ է իրականացված փոփոխությունը բարելավել երթևեկության որակը, այն նպաստե՞լ է խցանումների վերացմանը, թե՞ հակառակը․ Factor TV-ն այս հարցերի պատասխանները փորձել է ստանալ վարորդների շրջանում անցկացված հարցմամբ։
Ըստ քաղաքապետարանի տարածած հաղորդագրության՝ տրանսպորտային համակարգի փոփոխությունն իրականացվել է հաշվի առնելով պողոտան սպասարկող հասարակական տրանսպորտի երթուղիների քանակն ու օրվա ծանրաբեռնված ժամերին տրանսպորտի երթևեկության խտությունը:
«Գայի պողոտայի առաջին երթևեկելի գոտիով այսուհետ կթույլատրվի երթևեկել միայն հասարակական տրանսպորտին: Փոփոխության վերահսկումը կիրականացվի տեսալուսանկարահանող սարքերով, ճանապարհային երթևեկության կանոնները խախտող վարորդները կենթարկվեն վարչական պատասխանատվության»,- ասվում է քաղաքապետարանի հայտարարության մեջ։
Մանրամասները՝ տեսանյութում։
Անի Թամրազյան
