06.08.2026 | 22:11
Հրդեհ՝ Երևանի Սիլիկյան թաղամասի հարևանությամբ գտնվող աղբավայրում
«Գլադիատորի» սիքվելի նկարահանումների ժամանակ պատահար է տեղի ունեցել․ անձնակազմի անդամները վիրավորվել են
Հասարակություն
12.06.2023 | 22:43
Մարոկկոյում ընթացող «Գլադիատոր» ֆիլմի սիքվելի նկարահանման ընթացքում անձնակազմի մի քանի անդամներ վիրավորվել են նկարահանման հրապարակում կասկադյորական վթարի հետևանքով, գրում է BBC-ն։
Ֆիլմն արտադրող Paramount Pictures-ը հայտնում է, որ վնասվածքներ ստացածների կյանքին վտանգ չի սպառնում, պատահարը տեղի է ունեցել պլանավորված կասկադյորական տեսարանը նկարահանելիս: Նշվում է, որ անձնակազմի անդամները «կայուն վիճակում են և շարունակում են բուժում ստանալ»։
Ավելի վաղ The Sun-ը հայտնել էր, որ պայթյուն է տեղի ունեցել նկարահանման հրապարակում, ինչին հետևանքով վեց մարդ տեղափոխվել է հիվանդանոց:
Սըր Ռիդլի Սքոթը, որը 2000 թվականին նկարահանել է պատմական դրամայի բնօրինակ ֆիլմը, այժմ վերադառնում է սիքվելին, որը նախատեսվում է թողարկել 2024 թվականի նոյեմբերին։
