16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Աշոտ Փաշինյանի գործով նիստն ընթանում է դռնփակ․ լրագրողների մուտքն արգելվեց
Հասարակություն
09.06.2023 | 11:35
Երևանի ընդհանուր իրավասության դատարանում այսօր նշանակված է վարչապետ Նիկոլ Փաշինյանի որդու` Աշոտ Փաշինյանի և զոհված զինծառայող Ժորա Մարտիրոսյանի մոր միջև տեղի ունեցած միջադեպի գործով դատական նիստ: Դրա մեկնարկին, սակայն, դատական կարգադրիչները հայտնեցին, որ լրագրողների մուտքը չի թույլատրվելու դահլիճ, նիստը դռնփակ է:
Դատավոր Մանվել Շահվերդյանի աշխատակազմից Factor.am-ին հայտնում են, որ կողմերից մեկը միջնորդություն է ներկայացրել, որը պետք է դռնփակ քննվի: Նշենք, սակայն, որ դատական նախորդ նիստի ավարտի դրությամբ այն ընթանում էր դռնբաց, հետևաբար՝ առնվազն նիստի մեկնարկին,մինչև դատարանի աշխատակազմի կողմից վկայակոչված միջնորդության քննարկումը, նիստը չէր կարող դռնփակ լինել:
Արաքս Մամուլյան
