08.10.2026 | 18:48
Առանց ակումբի մնացած ամենաթանկ ֆուտբոլիստները՝ ըստ Transfermarkt-ի
Թուրքական լիրան նոր ռեկորդային նվազագույնի է հասել
Քաղաքականություն
07.06.2023 | 14:24
Հունիսի 7-ին թուրքական լիրան նվազել է 7 տոկոսով՝ հասնելով 2021 թվականի պատմական անկումից ի վեր նոր ռեկորդային նվազագույնի, գրում է Duvar-ը։
Նշվում է, որ մայիսի 28-ին նախագահ Ռեջեփ Թայիփ Էրդողանի վերընտրվելուց հետո լիրան ճնշման տակ է հայտնվել։ Այն հասել է 22,98-ի՝ մեկ դոլարի դիմաց։ Ավելի վաղ ևս մեկ ռեկորդային նվազագույն էր գրանցվել՝ 23,16 լիրա՝ մեկ դոլարի դիմաց՝ այս տարվա կորուստները հասցնելով ավելի քան 19 տոկոսի։
Էրդողանը հանգստյան օրերին հայտարարել է կառավարության նոր կաբինետի ձևավորման մասին՝ ֆինանսների նախարար նշանակելով նախկին փոխվարչապետ Մեհմեդ Շիմշեքին, որը լավ համբավ ունի օտարերկրյա ներդրողների շրջանում։ Շիմշեքն ավելի ուշ հայտարարել է, որ տնտեսական քաղաքականությունը պետք է վերադառնա «ռացիոնալ» հիմքի:
Շուկաները սպասում են նաև Թուրքիայի Կենտրոնական բանկի նոր ղեկավարի նշանակմանը։
BlueBay Asset Management-ից Թիմ Էշն ասել է, որ «տեսնում են քաղաքականության կարգավորում»։
«Կարծում եմ՝ մենք տեսնում ենք Շիմշեքի ռացիոնալ քաղաքականության մղելու ազդեցությունը»,- ասել է նա։
Այս տարվա մեծ մասի ընթացքում թուրքական իշխանությունները գործնական դեր են ստանձնել արտարժույթի շուկաներում՝ օգտագործելով տասնյակ միլիարդավոր դոլարների պահուստներ, որպեսզի լիրան կայուն պահեն։
Էմմա Չոբանյան
