08.10.2026 | 22:50
Հայաստանի համար էներգետիկ դիվերսիֆիկացիան ռազմավարական առաջնահերթություն է. Սարգիս Խանդանյան
Անչափահասին ծեծի ենթարկելու մասով քրեական վարույթը ՄԻՊ ուշադրության տակ է. Արամ Մինասյան․ ՏԵՍԱՆՅՈՒԹ
Հասարակություն
05.06.2023 | 12:06
Լրատվամիջոցներում «Դիլիջանի քրեականի պետը ծեծի է ենթարկում 16-ամյա տղային» վերտառությամբ տեսանյութի հրապարակումից անմիջապես հետո ՄԻՊ աշխատակազմում սկսվել է հարցի քննարկման ընթացակարգ. ուսումնասիրվել է հրապարակված տեսաձայնագրությունը։
«Կապ է հաստատվել տուժող անչափահասի փաստաբանի հետ։
Արագ արձագանքման տեսանկյունից հրատապության կարգով գրություններ են հասցեագրվել թե՛ ՆԳՆ Ոստիկանությանը, թե՛ դատախազությանը։
Նաև երեխայի լավագույն շահերից ելնելով, կապ է հաստատվել Դիլիջան համայնքի հոգաբարձության և խնամակալության մարմնի իրավասու ներկայացուցիչների հետ, որպեսզի տվյալ մարմինը որոշակի աշխատանքներ իրականացնի այդ անչափահասի հետ։ Այս մասին «Ո՞վ պետք է պաշտպանի երեխայի իրավունքները» թեմայով քննարկման ժամանակ հայտնեց Քրեական արդարադատության ոլորտում իրավունքների պաշտպանության վարչության պետ Արամ Մինասյանը։
Նա նաև հավելելց, որ Ոստիկանության տվյալ ծառայողի նկատմամբ քրեական վարույթ է հարուցվել և արդեն իսկ կա հետապնդում իրականացնելու նախաձեռնություն։
Մինասյանը նաև ընդգծեց, որ այդ քրեական վարույթը ամբողջությամբ գտնվում է ՄԻՊ ուշադրության կենտրոնում։
Մանրամասները՝ տեսանյութում։
