Շենքի բնակիչները չպիտի մեկ-երկու հոգու ձեռքում պատանդ մնան․ Ավինյան․ ՏԵՍԱՆՅՈՒԹ

Երևանի քաղաքապետարանի գործակարգավարական նիստում քաղաքապետի տեղակալ Գևորգ Սիմոնյանը զեկուցեց Արցախի փողոցի 4-րդ նրբացքի 4-րդ կարգի վթարային շենքների բնակիչների վերաբնակեցման ուղղությամբ իրականացված աշխատանքների մասին։

«Ուրբաթ օրն ենք ընդունել շենքի լիազոր ներկայացուցչին։ Բանակցություններն ավարտական փուլում են։ Խնդիր ունենք վերաբնակեցման ծրագրի՝ բնակիչների 100 տոկոս համաձայնության և մասնացության հարցում։ Մեր վեջնական առաջարկը եղել է, որ քննարկումը կշարունակենք 100 տոկոս մասնակցություն ապահովելու դեպքում»,- տեղեկացրեց Սիմոնյանը։
Փոխքաղաքապետ Տիգրան Ավիանյանն արձագանքեց՝ նշելով՝ ամբողջ շենքի բնակիչները չպետք է 1-2 հոգու ձեռքում պատանդ մնան։ Փոխքաղաքապետը հորդորեց գերակա շահի մասին որոշման նախագիծը պատրասել, «որպեսզի ունենան նաև գերակա շահի մասին զուգահեռ որոշում ու չստացվի այնպես, որ շենքի 90 տոկոսը համաձայն է, 1 կամ 2-ը ոչ խելամիտ պահանջներ են ներկայացում և շարունակում են բոլորին, պատանդ պահել 4-րդ կարգի վթարային շենքներում»։
Փոխքաղաքապետի խոսքով՝ Արցախի փողոցի վթարային շենքների բնակիչներին խարխլված տների փոխարեն առաջարկելու են գնման վկայականներ 1 քմ համար նվազագույնը 402 հազար դրամ սահմանաչափով և իրենց փաստացի բնակության հասցեի քառակուսի մետրից ավելի քառուակուսի մետր հաշվարկով։

«Բայց նույնիսկ այս պայմաններում ունենք լրացուցիչ պահանաջներ։ Կարծում եմ՝ շատ երկար նման տեսակ բանակցությունների մեջ պետք չէ մտնել, պետք է գերակա շահի որոշումն ունենալ ձեռքի տակ ու համապատասխան միջոցներ ձեռնարկել, երբ մեկ կամ երկու հոգին մնացածին պատանդ են պահում»,- նշեց Ավինյանը։

Մանրամասները՝ տեսանյութում։