23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Քյարամյանն ԱԺ էր եկել մգեցված ապակիներով ծառայողական մեքենայով
Հասարակություն
02.06.2023 | 19:10
Ոստիկանությունը մոտ երկու շաբաթ առաջ հայտարարել էր, որ հունիսի 1-ից պարեկային ծառայողները 25 հազար դրամով տուգանելու են այն վարորդներին, որոնց մեքենաների դիմացի կողային ապակիների լուսաթափանցելիությունը պակաս կլինի 70 տոկոսից։
Վարորդներից շատերն արդեն հեռացրել են իրենց մեքենաների ապակիների թաղանթները, բայց պարզվում է՝ կան արտոնյալներ։
Այսօր ՔԿ նախագահ Արգիշտի Քյարամյանը խորհրդարան էր եկել ՆԳՆ-ի պահանջն անտեսելով․ նրա ծառայողական ավտոմեքենայի ապակիները թաղանթապատված էին։ Ինչո՞ւ է ՔԿ նախագահն օրենք խախտում․ լրագրողների այս հարցը Քյարամյանն անպատասխան թողեց։
Նարեկ Կիրակոսյան
