06.06.2026 | 18:07
19-ամյա Միրա Անդրեևան` «Ռոլան Գարոսի» հաղթող
10 ոստիկան նախորդ տարի ազատվել է աշխատանքից թմրանյութ օգտագործելու համար․ փոխնախարար․ ՏԵՍԱՆՅՈՒԹ
Հասարակություն
01.06.2023 | 13:01
Կան չափորոշիչներ, որոնց համաձայն պետք է որոշվի՝ ոստիկանն իրավունք ունի՞ մասնակցելու ատեստավորմանը, թե՞ ոչ:
Առաջինը վերաբերում է թմրամիջոցի և հոգեմետ, հոգեներգործուն նյութերի օգտագործմանը: Նախօրոք՝ մինչև ատեստավորումը, լիզենցավորված բժշկական կազմակերպության կողմից փորձաքննություն կիրականացվի, որի արդյունքների հիման վրա հոգեմետ դեղեր, թմրամիջոցներ օգտագործող ծառայողներին չի թույլատրվի մասնակցել ատեստավորմանը։
«Չեմ ասում, թե մտավախություն կա, բայց փորձը ցույց է տալիս, որ եթե մենք ցանկանում ենք ունենալ այնպիսի ոստիկաններ, որոնք կկարողանան ճիշտ ծառայություններ մատուցել քաղաքացիներին, ապա պետք է մի քանի կրիտերիա շատ հստակ սահմանված լինի։
2022 թվականին 10 ծառայողական քննություն ենք ունեցել, որից հետո 10 ծառայող աշխատանքից ազատվել է թմրանյութ օգտագործելու համար։
2022-2023 թթ․ կտրվածքով արդեն 6 քրեական վարույթ ունենք քրեական հանցակազմերի տրամաբանության մեջ։ Համարում ենք, որ ատեստացիայի միջոցով կկարողանանք համակարգն այս ֆիլտրի միջով անցկացնել և թողնել այն մարդկանց, որոնք պրոֆեսիոնալ կատարում են իրենց պարտականությունները»,- այսօր Կառավարության հերթական նիստից հետո լրագրողների հետ զրույցում այս մասին նշեց ՆԳ փոխնախարար Արփինե Սարգսյանը։
Փոխնախարարի խոսքով՝ այն ոստիկանները, որոնք չկարողանան անցնել ատեստավորումը, ապա նախատեսված է վերապատրաստում այդ ծառայողների համար, որպեսզի կարողանան պատշաճ կերպով անցնել այն։ Ատեստացիան «գերազանց» հանձնելու դեպքում նրանց վարձատրությունը կրկնակի կավելանա, «լավ»-ի դեպքում կբարձրանա շուրջ 75 տոկոսով, իսկ «բավարար»–ի պարագայում՝ 50 տոկոսով։
Մանրամասները՝ տեսանյութում։
