24.11.2024 | 16:07
1 մլրդ դրամ՝ Երևանի ու մարզերի թատրոնների, համերգային դահլիճների, նվագախմբերի համար գույք, տեխնիկա գնելու համար․ ՏԵՍԱՆՅՈՒԹ
Պետական մարմիններն իրենց պարտականությունները չեն կատարում, ինչն ապատեղեկատվության պատճառ է դառնում. լրագրող․ ՏԵՍԱՆՅՈՒԹ
Քաղաքականություն
31.05.2023 | 13:49
Մեդիագրագիտության բացակայությունը պարարտ հող է ստեղծում ապատեղեկատվության և կեղծ լուրերի տարածման համար։ Այսօր Ժողովրդավարության հայկական ֆորումի շրջանակներում «Անկախ լրատվամիջոցների հզորացման կարևորությունը ապատեղեկատվության դեմ պայքարում» թեմայով պանելային քննարկկման ժամանակ նշեց «Սիվիլնեթի» փաստերի ստուգման հարթակ Civilnetcheck-ի բաժնի ղեկավար Անի Գրիգորյանը:
«Սոցցանցերը և համացանցը փոխել են խաղի կանոնները և կեղծ լուրերը շատ ավելի արագ են տարածվում, ավելի շատ մարդկանց են հասնում:
Սակայն մյուս կողմից՝ պետական մարմիններն ընդհանրապես ճկուն չեն: Ընդհանրապես պատշաճ ձևով չեն իրականացնում համագործակցությունը լրատվամիջոցների հետ, ստեղծվում է ինֆորմացիոն վակուում, որը լցվում է դավադրության տեսություններով և կեղծ լուրերով»,- նշեց Գրիգորյանը՝ ընդգծելով՝ մեզ համար կարևոր է ստուգված տեղեկություն հրապարակելը, բայց պետական մարմինները չեն կատարում իրենց պարտականությունները։
Նշենք, որ Ժողովրդավարության հայկական ֆորումը Freedom House միջազգային իրավապաշտպան կազմակերպության և «Իրազեկ քաղաքացիների միավորման» ջանքերով անցկացվում է արդեն երկրորդ տարին անընդմեջ:
Մանրամասները՝ տեսանյութում։
