16.04.2026 | 22:34
Դեռևս առկա են լուրջ մարդասիրական խնդիրներ, որոնք պետք է լուծվեն. Սիմոնյանը՝ Բաքվում պահվող գերիների մասին
Հայտնի են վոլեյբոլի երիտասարդական առաջնության հաղթողները
25.05.2023 | 19:26
Կրթության, գիտության, մշակույթի և սպորտի նախարարության աջակցությամբ մայիսի 17-21-ը Երևանի ԲԿՄԱ մարզադահլիճում կայացել է Հայաստանի վոլեյբոլի ֆեդերացիայի նախկին նախագահ, ՀՀ սպորտի վաստակավոր գործիչ և վաստակավոր մարզիչ Խաչիկ Ասմարյանի անվան ՀՀ երիտասարդական առաջնությունը, տեղեկացնում են ԿԳՄՍՆ-ից։
Առաջնությանը տղաների և աղջիկների 5-ական թիմեր են մասնակցել: Կայացել է 20 հանդիպում:
Առաջնության արդյունքներով կձևավորվի տղամարդկանց Հայաստանի Մ22 հավաքականը, որը կմասնակցի հուլիսի 21-23-ը Երևանում կայանալիք Եվրոպայի Մ22 ընտրական առաջնությանը:
Տղամարդկանց պայքարում չեմպիոն է դարձել Երևանի ԲԿՄԱ-ն, երկրորդ տեղը զբաղեցրել է Վանաձորի թիմը, իսկ լավագույն եռյակը եզրափակել է ԽՄՕՄ-ը:
Կանանց պայքարում չեմպիոնի կոչմանն արժանացել է Երևանի «Ավան» թիմը, երկրորդ տեղը զբաղեցրել է «Վան», իսկ երրորդ տեղը՝ ՖԻՄԱ թիմը:
Մրցանակային տեղեր գրաված թիմերն արժանացել են պատվոգրերի, մեդալների և գավաթների: Առաջնության լավագույն մարզիկները ստացել են հատուկ մրցանակներ:
Պարգևատրվել են նաև մրցանակային տեղեր զբաղեցրած թիմերի մարզիչները և կազմակերպիչները:
