19.12.2025 | 13:13
ՄԱԿ-ի Գլխավոր վեհաժողովը թարմացրել է Ուկրաինայում ՌԴ-ի իրականացրած խախտումների վերաբերյալ բանաձևը. ինչպես է քվեարկել ՀՀ-ն
Այո՛, Քրիստոսի արձանը կառուցվում է, արդեն 18 մետր կառուցված է. Գագիկ Ծառուկյան․ ՏԵՍԱՆՅՈՒԹ
Հասարակություն
23.05.2023 | 11:40
Այո՛, Քրիստոսի արձանը կառուցվում է, արդեն 18 մետր կառուցված է: Թղթաբանության հարցերը կարգավորվում են։ Երևի 2024թ․ արձանի բացումը կանենք։ Այս մասին այսօր Հակակոռուպցիոն դատարանի մոտ լրագրողների հետ զրույցում նշեց ԲՀԿ առաջնորդ Գագիկ Ծառուկյանը:
«Մենք աշխարհում առաջին քրիստոնյա ազգն ենք, որ պետականորեն ընդունել ենք քրիստոնեությունը, և մենք պետք է կարողանանք արձանը կառուցել՝ ամբողջ աշխարհին ի ցույց ասելու, որ հայ ժողովուրդը առաջին քրիստոնյա ազգն է աշխարհում»,- նշեց Ծառուկյանը:
Հարցին, թե որտեղ են անելու բացումը, Ծառուկյանը պատասխանեց․ «Հատիսի գագաթին թույլ չեն տվել, Հատիսի կողքը, որտեղ պատմշակությանի կոթող կա, 4000 տարի առաջ ինչ-որ ամրոց է եղել, ես էլ գումար եմ փոխանցել, որ ամրոցը վերականգնեն, այդ արձանն էլ կողքը կլինի, որ գան, տեսնեն։ Թույլտվության հարցով զբաղվում ենք»։
Նշենք, որ Հակակոռուպցիոն դատարանում` նախագահությամբ դատավոր Արամ Գրիգորյանի, այսօր շարունակվելու են «Բարգավաճ Հայաստան» կուսակցության նախագահ Գագիկ Ծառուկյանի և «Մուլտի գրուպ կոնցեռն» ՍՊԸ-ի տնօրեն Սեդրակ Առուստամյանի վերաբերյալ գործով նախնական դատալսումները: Դատական նիստից առաջ Ծառուկյանը պատասխանեց լրագրողների հարցերին։
Մանրամասները՝ տեսանյութում։
