08.10.2026 | 09:41
ՀՀ տարածքում ավտոճանապարհներն անցանելի են
«Հայերն ինձ թշնամի չեն»․Բաքվի համալսարանների դասախոսը Մխիթարյանի ու Սպերցյանի երկրպագու է
23.05.2023 | 12:27
Բաքվի համալսարանի դասախոսներից մեկը հայ ֆուտբոլիստներ Հենրիխ Մխիթարյանի և Էդուարդ Սպերցյանի երկրպագու է։ Աղալար Գարիբովը փիլիսոփայություն է դասավանդում Արևմտյան Կասպյան համալսարանում և Ադրբեջան համալսարանում։ Ադրբեջանական լրատվամիջոցները գրում են, որ նախօրեին Գարիբովը դուրս է եկել Բաքվի մարզադաշտերից մեկն անգլիական «Արսենալ» ֆուտբոլային ակումբի նախկին ֆուտբոլիստ Հենրիխ Մխիթարյանի անվամբ մարզաշապիկով։ Լրատվամիջոցները նրա այս արարքը «սադրանք»են անվանում։ Հանդերձարանում նրան տեսանկարահանել և տարածել են համացանցում։ Պատասխանելով հարցին՝ ինչո՞ւ է կրում հայ ֆուտբոլիստի անվամբ մարզաշապիկը, նա հայտարարել է, թե կոսմոպոլիտ է, և հայերն իր համար թշնամի չեն։ Գարիբովը նաև ասել է, որ տանը ունի հայ մեկ այլ ֆուտբոլիստի՝ Հայաստանի ազգային հավաքականի ու «Կրասնորդար» ակումբի ֆուտբոլիստ Էդուարդ Սպերցյանի անվամբ մարզաշապիկ, որն իրեն նվիրել են Ռուսաստանում։
Ադրբեջանական քարոզչական լրատվամիջոցներից մեկը իրավապահ մարմիններին կոչ է արել ստուգել հայ ֆուտբոլիստների երկրպագուի Գարիբովին։ Սա ևս մեկ անգամ հաստատում է, որ Ադրբեջանում պետական մակարդակով ատելություն է քարոզվում հայկական ծագման ցանկացած բանի նկատմամբ։
Հիշեցնենք՝ դեռևս 2019 թ-ի մայիսին «Արսենալ» ակումբի ֆուտբոլիստ Հենրիխ Մխիթարյանը չէր մեկնել Բաքու՝ մասնակցելու Եվրոպա Լիգայի եզրափակիչ հանդիպմանն անվտանգության նկատառումներից ելնելով։ Չնայած Մխիթարյանի բացակայությանը՝ Բաքվում ոստիկանները սկսել էին հետապնդել հայ ֆուտբոլիստի մարզաշապիկով օտարազգի երկրպագուներին։ Համացանցում տարածվել էին բազմաթիվ տեսանյութեր։
Էմմա Չոբանյան
