24.02.2026 | 14:02
Քոչարյանին և երկու օլիգարխներին պետք է զրո քվե տա ժողովուրդը. Ռուբինյան․ ՏԵՍԱՆՅՈՒԹ
Բրյուսելում ՆԱՏՕ-ն և Ադրբեջանն էներգետիկ անվտանգության շուրջ երկխոսություն են անցկացրել
Քաղաքականություն
17.05.2023 | 13:25
Բրյուսելում ՆԱՏՕ-ի և Ադրբեջանի միջև նախօրեին էներգետիկ անվտանգության շուրջ երկխոսություն է տեղի ունեցել դաշինքի անդամ երկրների մշտական ներկայացուցիչների տեղակալների կոմիտեի ձևաչափով։ Այս մասին թվիթերյան գրառմամբ հայտնել է ՆԱՏՕ-ում Ադրբեջանի ներկայացուցչության ղեկավար Ջաֆար Հուսեյնզադեն։
«Մեկնարկել է ՆԱՏՕ-ի և Ադրբեջանի միջև էներգետիկ անվտանգության երկխոսությունը՝ Մշտական ներկայացուցիչների տեղակալների կոմիտեի նոր ձևաչափով։ Այս երկխոսության շրջանակում Ադրբեջանի էներգետիկայի փոխնախարար Էլնուր Սոլթանովը գտնվում է ՆԱՏՕ-ի կենտրոնակայանում»,- գրել է Հուսեյնզադեն։
Նա նշել է, որ Սոլթանովը հանդիպումներ է ունենալու ՆԱՏՕ-ի գլխավոր քարտուղարի Կովկասի ու Կենտրոնական Ասիայի հարցերով հատուկ ներկայացուցիչ Խավիեր Կոլոմինայի, ՆԱՏՕ-ի էներգետիկ անվտանգության դեպարտամենտի ղեկավար Մայքլ Ռուլի, ինչպես նաև դաշնակիցների հետ։
Հավելենք, որ օրերս էլ Ադրբեջանի ԱԳ նախարար Ջեյհուն Բայրամովն էր Բրյուսելում, որտեղ հանդիպել էր ԵՄ արտաքին հարաբերությունների և անվտանգության քաղաքականության հարցերով բարձր ներկայացուցիչ Ժոզեպ Բորելի հետ։
Էմմա Չոբանյան
