08.10.2026 | 15:01
Հայտնի է ազատ ոճի ըմբշամարտի Հայաստանի հավաքականի կազմն ԱԱ-ում
«Աղջկաս ստաժ է պետք եղել, ես իմացել եմ, որ փոխգնդապետ է աշխատում»․ Վլադիմիր Գասպարյան
Հասարակություն
10.05.2023 | 17:45
ՀՀ նախկին ոստիկանապետ Վլադիմիր Գասպարյանն այսօր լրագրողների հետ զրույցում ասել է, որ իր տունը նվեր է ստացել հարազատ մարդկանցից, նաև հարցրել՝ սիրուն տուն է, չէ՞։
«Այդ տունը ինձ հարազատ մարդկանցից մեկն է ժամանակին գնել իր տղաների ու ընտանիքի, ոչ թե ինձ համար: Հետո երբ տղաներն ասել են, որ մնալու են արտասահմանում և չեն վերադառնալու, տունը նվիրել են ինձ, բայց իմ ծրագրերում այս տունը երբեք չի եղել։ Ես այդ ընտանիքի քավորն եմ։ Երբ ժամանակին այդ մարդը Ռուսաստանում իր բիզնեսն էր դնում, իմ կապերի շնորհիվ ես չեմ թողել, որ նրան կրիմինալը նեղություն տա։ Ի դեպ, սիրուն է չէ՞ տունը, ճաշակով է արած, ես միշտ ճաշակով եմ ամեն ինչ անում»,- ասաց Գասպարյանը։
Անդրադառնալով քրեական գործում իր դստեր աշխատանքի չհաճախելու մասին դրվագին՝ նախկին ոստիկանապետն ասաց. «Իմ աղջիկը բարձրագույն կրթություն ունի, իրավաբանականն ավարտել է գերազանցությամբ, ժամանակին դատավոր դառնալու համար ստաժ էր պետք: Փեսաս ասաց, որ դատավոր դառնա, դնենք մի տեղ աշխատի, կգնա-կգա, ստաժ կունենա, ես էլ ասացի՝ զբաղվեք։ Ես չեմ ողջունել, որովհետև 4 երեխա է ունեցել, մտածել եմ՝ դեկրետի է գնացել, չեմ էլ հետաքրքրվել։ Ես իմացել եմ, որ աղջիկս փոխգնդապետ է աշխատում, բայց ես չեմ իմացել, որ նա ռեժիմով բացակայում է, մտածել եմ՝ դեկրետի է գնացել»։
Արփի Հակոբյան
