17.12.2025 | 20:56
ՔՊ-ում կռիվ է ընկել․ ինտրիգներ՝ ընտրական ցուցակի ձևավորման շուրջ. ՏԵՍԱՆՅՈՒԹ
Լիվերպուլում ընթանում է «Եվրատեսիլ-2023»-ի պաշտոնական բացման արարողությունը
Հասարակություն
07.05.2023 | 21:12
Մեծ Բրիտանիայի Լիվերպուլ քաղաքում ընթանում է «Եվրատեսիլ-2023» երգի մրցույթի պաշտոնական բացման արարողությունը։
Ինչպես 2022-ին, այս տարի ևս գորգն ավանդական կարմիր չէ, փիրուզագույն է։
Գորգի վրայով անցավ նաև Հայաստանի ներկայացուցիչ Բրյունետը` արծաթագույն հագուստով և հայկական զարդերով:
«Ես իսկապես վայելում եմ այս ամենը և հաճույք ստանում մասնակցությունիցս։ Անհամբերությամբ սպասում եմ ավելի մեծ միջոցառումների։ Կաշխատեմ ինձ վրա և կանեմ առավելագույնն իմ ուժերի չափով։ Ես շատ եմ ստեղծագործում, և այդ ամենով շատ շուտով կկիսվեմ ձեզ հետ»,– նշեց երգչուհին։
Հիշեցնենք, որ Բրյունետը ելույթ է ունենալու մայիսի 11-ին` երկրորդ համարի ներքո։
«Եվրատեսիլի» առաջին կիսաեզրափակիչը մայիսի 9-ին է, եզրափակիչը՝ 13-ին։
