08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Ռուբեն Ռուբինյանի դեմքով ԱԺ-ն էլ է մասնակցում բանակցություններին. Արման Եղոյան․ ՏԵՍԱՆՅՈՒԹ
Քաղաքականություն
02.05.2023 | 14:32
Վաշինգտոնում Հայաստանի և Ադրբեջանի արտգործնախարարների բանակցություններին մասնակցում է նաև ԱԺ փոխնախագահ Ռուբեն Ռուբինյանը։
«Դա եղել է վարչապետի որոշումը, և զարմանալու բան չկա,- ԱԺ-ում լրագրողների հետ զրույցում նշեց ՔՊ-ական պատգամավոր Արման Եղոյանը։ -Պարոն Ռուբինյանն Ազգային ժողովի փոխխոսնակն է, կարծում եմ, որ որևէ վատ բան չկա նրանում, որ ԱԺ-ն էլ է մասնակցում։ Սա վերջին հաշվով, խորհրդարանական հանրապետություն է, և պարոն Ռուբինյանի դեմքով ԱԺ-ն էլ է մասնակցում այդ բանակցություններին։ Ի՞նչ վատ բան կա այդտեղ»։
Անդրադառնալով հարցին, թե արդյոք դա չի նշանակում, որ հայ-թուրքական և հայ-ադրբեջանական գործընթացները փոխշաղկապված են, Եղոյանը նշեց. «Պարոն Ռուբինյանի ներկայությունն ինքնին դա չի նշանակում»:
Նշենք, որ Ազգային ժողովի նիստում այսօր ընդդիմադիր պատգամավորները հարցադրում հնչեցրին, թե ինչու է հայ-ադրբեջանական բանակցություններին մասնակցում Թուրքիայի հետ բանակցություններում Հայաստանի բանագնաց, ԱԺ փոխնախագահ Ռուբեն Ռուբինյանը:
Մանրամասները՝ տեսանյութում։
