26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Տեսչությունից կոմիտե վերափոխվելուց հետո անգամ «Լեզվի կոմիտեն» պետք է շարունակի վերահսկողական իր գործառույթն իրականացնել. Լևոն Գալստյան․ ՏԵՍԱՆՅՈՒԹ
Հասարակություն
28.06.2018 | 14:05
«Լեզվի պետական տեսչության» նախկին պետ Լևոն Գալստյանի համոզմամբ՝ երբ այս տեսչությունը դադարեցրեց իր ինքնուրույն գործունեությունը և դարձավ Կրթության և գիտության նախարարության առանձին ստորաբաժանում, որևէ լուրջ բացասական հետևանք այդ գործընթացը չունեցավ:
«Մենք շարունակեցինք մեր աշխատանքը, քանի որ մեզ վրա կար տեսչական աշխատանք իրականացնելու գործառույթ»,- այսօր «Լեզվի պետական տեսչությունից՝ լեզվի կոմիտե. ինչպե՞ս բարձրացնել արդյունավետությունը» կազմակերված քննարկման ժամանակ ասաց նա։
Լևոն Գալստյանը նշեց, որ տեսչությունից կոմիտե վերափոխվելուց հետո անգամ «Լեզվի կոմիտեն» պետք է շարունակի վերահսկողական իր գործառույթն իրականացնել:
«Եթերում հնչող, մամուլում տպագրվող խախտումներին այս մարմինը պետք է արձագանքի համապատասխան հորդորանքների ձևով։ Լրագրողների և պատգամավորների ուշադրությունն եմ հրավիրում այս կամ այն վրիպումները, քանի որ լեզվի ոչ բոլոր խախտումների մասին է արձանագրված վարչական իրավախախտումների մասին օրենքում»,- ասաց նա։
Մանրամասները տեսանյութում։
